Sunday, May 27, 2007

بصراحه أنا مكنتش ناوي انزل اي بوست اليومين دول . . .بمناسبة الامتحانات وكده
بس بجد الراجل ده بيقول كلام في الجوووون

أنا اخترت من قصيدة زقزقه الاتلات مقتطع دول . . يارب يعجبوكوا. . ولو واحد عنده تعليق على الكلام يقوله


إحتلال
من زمان..
والقلب عايش عزلته
فتح البيبان ..
فرسان عنيكي إحتلته..
وطلّت على كل الأماكن
فتِّشت
وطلعلها حزني العجوز
فاستسلمت


حيرة
إحترت...؟
عدٍّيت الحدود
وفهمت..؟
بصّيت ع الوجود
مرَّه بغنا
مرّات..بكا
بس العذاب إن العيون
لسَّاها برضه بتحتوي ...
نــفس البرود



إحتياج
صاحبني نبني شكل تاني للساعات
صاحبني نهزم كل جدران السكات
ونقول..غنا من قلبنا
جايز ساعتها نبتدي ...
فك الرموز..

7 Comments:

  1. Anonymous said...
    لتاني مرة على التوالي أكون أول واحدة تقولك رأيها
    أولا المقاطع دي منتقاة بدقة رهيبة
    والثلاثة أفضل من بعض
    بس أكثر واحد عاجبني قوي وداخل دماغي جد هو المقطع الأول
    مش عارفة ليه

    أحييك يا علاء على اختيارك الرائع جدا جدا جدا
    علاء عارفين said...
    أنا يكون ليا الشرف ان حضرتك تكوني أول واحده تقولي رأيك

    بس أنا أكتر واحد عاجبني هو أخر مقطع

    "صاحبني نهزم كل جدران السكات
    ونقول..غنا من قلبنا
    جايز ساعتها نبتدي ...
    فك الرموز"
    بجد المقطع ده عاجبني موووت
    Anonymous said...
    يا فندم الشرف ليا أنا والله
    الاختلاف في وجهات النظر لا يفسد للود قضية
    وأنا قلتلك ان الثلاثة أحلي من بعض

    ذاكر كويس يا دكتور علاء
    عايزين امتياز السنة دي انشاءالله
    good luck
    علاء عارفين said...
    ????دكتور !!!!!

    ايه الاحترام ده

    دكتور مره واحده

    عموماً . . ذاكري انت . . انا من الصبح بذاكر فيال eyelid

    مش عايز يخلص
    Anonymous said...
    المقطع الاولاني معناه لذيذ اوي وعلجبني انا كمان

    بس برضه التالت حلو برضه بس مش زي الأولاني

    على العموم ربنا معانا جميعا
    انا بالي يومين بذاكر في الeye lid & lacrimal
    وبصراحة كدة الواحد بدأ يجيب آخره وإحنا لسة بنقول يا هادي

    يللا ، لو حد عنده نصيحة يا جماعة يقولها
    Anonymous said...
    بصوا بقى بما غنكم كدة رايقين
    هستغل بوج علاء وآخد رأيكم في كام إقتباس من انيس منصور وصلاح جاهين

    ‏عندما تغلق السعاده بابا ينفتح باب اخر‏..‏ ولكننا ننظر طويلا الي الباب المغلق وننسي ان بابا اخر قد انفتح

    ‏من يحاول يخطيء‏,‏ ولكن المحاوله ليست خطا

    ‏اجعل ياسك محدودا‏,‏ واملك بلا حدود

    ‏اذا كان لابد ان اختار بين رذيلتين فانني افضل التي لم اجربها من قبل

    انظر الي الجميع وفكر في واحده‏,‏ صافح الجميع واعط قلبك لواحده

    عندما يقال لك يجب ان تكون حياتك افضل‏,‏ فليس معني ذلك ان تغيرها‏..‏ وانما ان تحسن النظر اليها


    دول بقى لصلاح جاهين
    إنسان أيا إنسان ما أجهلك
    ما أتفهك في الكون و ما أضألك
    شمس وقمر و سدوم و ملايين نجوم
    و فاكرها يا موهوم مخلوقه لك


    ياما صادفت صحاب و ما صاحبتهمش
    و كاسات خمور و شراب و ما شربتهمش
    أندم علي الفرص اللي انا سبتهم
    و الا علي الفرص اللي ما سبتهمش

    أنا شاب لكن عمري ألف عام
    وحيد لكن بين ضلوعي زحام
    خايف و لكن خوفي مني أنا
    أخرس و لكن قلبي مليان كلام

    يا باب يا مقفول ... إمتي الدخول
    صبرت ياما و اللي يصبر ينول
    دقيت سنين ... و الرد يرجع لي : مين ؟
    لو كنت عارف مين أنا كنت أقول

    شاف الطبيب جرحي وصف له الأمل
    وعطاني منه مقام يا دوب ما اندمل
    مجروح جديد يا طبيب و جرحي لهيب
    ودواك فرغ مني .... و إيه العمل

    يا ريت تقولا رايكم
    علاء عارفين said...
    This comment has been removed by the author.

Post a Comment