Saturday, August 04, 2007

21



اليوم ذكرى ميلادي . . اليوم ادركت ان 21 شتاءً قد انقضت من عمري

هل ابتهج فرحاً بهذا . .قد يكون هذا الشعور السائد عند البعض

و لكن هذه المناسبة السعيده تذكرتي بأنني قد اصبحت وفقاً للقوانين كامل الاهليه

و ياللروعه لقد اصبحت كامل الاهليه ومازلت ( باخد مصروف )

و الرائع في الامر ان هذا الحال سيستمر لسنوات قادمه

قد يكون خطأي . . قد يكون قدري . . لا احد يعلم . . ولعل السنون القادمه تأتي بما لا اتوقعه

وكل سنه و انا طيب . . .

8 Comments:

  1. Unknown said...
    كل سنة وانت طيب
    ومن قلبي قريب
    ;)
    Anonymous said...
    كل سنة وانت طيب يا صديقي اللدود
    وعقبال مليون سنة
    وايه يعني لما تكون لسه بتاخد مصروف
    على الأقل انت عندك عذرك انك لسه بتدرس
    غيرك اتخرج وبرضه لسه بياخد مصروف
    المهم خلينا دلوقتي في الحدث الجلل اللي بنتكلم فيه
    كل سنة وانت طيب
    كل سنة وانت مبسوط
    كل سنة وانت اعقل واذكي
    كل سنة وانت مع حبايبك واصحابك
    المجاهدة said...
    كل سنة و حضرتك طيب يا اخي:)
    كل عام و حضرتك الى الله اقرب و على الطاعة ادوم و الى الجنة ارغب

    حضرتك كده جبت سن الرشد:d

    و بقيت مثبت في الدولة ان لو عاوزينك في محكمة هيكلموك تشهد معاهم هناك :d

    ربنا يكرمك يا اخي:)
    المهم تكون فرد مؤثر و مفيد في اي مكان بتروحه
    حتى لو لسه بتاخد مظروف لظروف مش بايدك :)
    WhiSpeR said...
    بقيت كامل الأهلية يا ابني
    مش هعرف أكلمك في البيت بعد كدة
    ودي في حد ذاتها مصيبة
    يلا معلش كلها سنة وشوية و أحصلك :d
    بس انت نكدي
    المفروض النهاردة تكون مهيص
    وتطلع تغني امبارح كان عمري عشريييييييين
    وبقى واحد وعشرين
    وتعمل مهرجان
    مش تقعد تتكلم عن المصروف
    أنا هعملك بوست تهنئة بقى على مزاجي هناااااااااااااك
    المهم
    ياريييييييت الواحد يفضل ياخد مصروف على طووووول
    دي تبقى حاجة جميلة أوي
    :D
    LOJAIN said...
    كل سنة و انت طيييييييييييييب
    و عقبال مليون سنة نجاح يااااااااااااارب
    بس بقى انا عينى فى التورته دى و عايزة منها حته بقى

    اتصرف مليش دعوة

    Regards:
    lojain :)
    علاء عارفين said...
    amr

    و انت بالصحه والسلامه يا باشا

    ..................................
    rania
    صديقتي اللدوده
    بغض النظر عن اي اعتبارات بعيده عن أرض الواقع
    شكراً جداًعلى التهنئه اللذيذه دي

    ...................................
    المجاهده

    و انت بالصحه و السلامه
    و شرفتيني بمرورك الكريم طبعاً


    ..................................
    whisper
    انا ده انا غلباااان

    ...................................
    lojain

    عينك في التورته
    عشاان كده وقفت في زوري

    بهرج طبعاً

    و شكراً جداً على التهنئه اللطيفه دي
    mohamed said...
    كل سنة وانت طيب

    مكنش في تورتة كبيرة عن دي :)
    loza said...
    كل سنه وحضرتك طيب

    بس فعلا التورته دى متكفيش البلوج بتاعنا لوحده:S

Post a Comment