Tuesday, August 14, 2007
انت مين ؟؟
سؤال صعب على فكره . .
مؤقتاً . . أنا علاء . .
مين اكتر ست اشخاص بتحبهم ؟؟
ماما و بابا و اخواتي و اصحابي
مينفعش سته بس على فكره
كده في ناس هتزعل
انت سعيد؟
مش عارف و الله . . لما اعرف هقولك
بس أنا ببقى مستريح طول مانا مبفكرش لا في امبارح ولا في بكره
لو اجتمعت انا وحسني مبارك في غرفة واحدة؟
بابا حسني . . هشرب الشاي و اسلم على طنط سوزان
واقولهم يلسمولي على جمال وعلاء
واتكل على الله
:D
لو معاك مليون ونص جنيه......تعمل بيهم ايه؟
هتجوز
:D
بهزر طبعاً . . هشتري بيهم ارض او شقه في مكان ما على سبيل الاستثمار
و ابيعها بعد فتره سنه او سنتين
يطلع فيها قرشين حلوين . . اصل الجنيه في النازل
و مينفعش الواحد يشيل فلوس
لازم يشتري بيها حاجه
بتحب مصر؟
رغم الكرب . .
اساسي بحب مصر
بتحب البنات؟
رغم ان البنات مبيجيش من وراهم غير المشاكل
انما
.
.
.
هو في حد مبيحبش البنات
:D
انت مسلم ؟
الحمد لله
ليه؟
هو الواحد أساساً بيكون مسلم من قبل ما يتولد . . الحمد لله طلعت اهلي مسلمين
على نفس دين الفطره
الحمد لله
مين اكتر شخصية ما تقدرش تستغنى عنها في حياتك؟ وليه؟
في شخصيات كتير ما اتخيلش نفسي من غيرهم
ماما و بابا و اخواتي ويمكن كمان بعض من اصحابي
بس في الواقع ان الواحد على مر الايام هيفقد الناس اللي حواليه
مش معناه ان الواحد يموت و ميكملش حياته
عموماً . . ربنا يخلي كل الناس اللي حواليا
واتكل انا قبليهم كلهم
أما عن الــ ( ليه ؟ ) دي . . معرفش صراحه و بيتهيألي ملهاش مكان في السؤال
ايه اكتر موقف محرج اتعرضت ليه في حياتك؟واتصرفت ازاي؟
موقف محرج . . الحمد لله مش كتير في حياتي
و كلها من نوع اني طلعت على السبوره و معرفتش اجاوب
و حتى دي مش كتير – لأني عبقري طبعاً -
:D
:D
و اتصرفت ازاي متصرفتش . . هعمل ايه يعني هفتي
ايه الأمنية اللي بتدعي ربنا دايما انه يحققها لك؟
و الله دي حاجه بيني و بين ربنا
ايه الناس الحشريه دي
تمرر التاج دة لمين؟
امرره
لــــ
................................................................................................................................................................
أحمدك يا رب
وده كلاكيت تاني مرة
واحنا بس اللي فاهمين
-على رأي أستاذنا العبقري ناجي-
مبروك ال
new look
بتاع البلوج
كده بجد بقى تحفة
أما بقى اجابات التاج فدي مفهاش كلام بس فيها لماضة كالعادة
واجابات ذكية جدا وعبقرية يا فيلسوف