Thursday, September 06, 2007
اي نور لو جنب نورك . . يبقى ضلمه ماهوش ده نور
ياللي لما بتيجي . .يدخل عالحضور فرح و حبور
واما تمشي القلب . . يحزن ولا ابقى عارف ايه السرور
..........................................................
نفسي اوصف بس وصفي . . فيكي ماتكفيه سطور
حتى لو عندي لوصفك . . مما قال الناس بحور
........................................................
و انتي ماشيه لمحت نورك . . قلت عالارض البدور ؟
واما حد يقول دي جايه . . كنت اقوم الف ادور
انتي فين يا نن عيني . . انتي فين يا أحلى حور
..........................................................
يالللي عاليه ياللي غاليه . . انتي ليه حكمك يجور
عاللي لو هتشوفي قلبه . . هتلاقيه بانيلك قصور
قصر فرح و قصر حب . . قصوري من غيرك قبور
حني ياللي القلب لما . . بعدتي عنه بناله سور
عازله عن ناسه و اهله. . عاش بعيد عن كل نور
...................................................................................................................................................................
عـــــــــــــــــــــــــلاء
بجد كلام طالع من القلب وكيد واصل للقلب
اسمحلي احسدك على الكلام الحلو ده واحسد اللي بيتقاله الكلام
بجد يا بخته
أنا اخترت الجملتين دول بالذات عشان دول اللي محلينها
دي وجهة نظري المتواضعة
عازله عن ناسه و اهله. . عاش بعيد عن كل نور
begad to7fa elkalam bezzat kaman "2sore mn '3er 2bor"
!!
ممممممممممم
مش واخدين على كدة احنا
:D
إستمر
بس وظف الكلام ده بقى صح يعني لو الكلام ده لشخص يستاهله بجد
لشخص حاسه بجد
لبني آدم فاهمه صح
يبقى إنت عديت
وبقي واد شديد أوي
أي كلام بيفضل مجرد كلام
ما دام ملوش تأثير في الواقع
سنة صراحة ضرورية عشان لازم أعك الدنيا في الآخر
بس بجد كلامك جميل ومشاعر دافئة بجد
من كل قلبي بقولك ربنا يوفقك
حاول تقرا شعر وادب اكتر وتبطل تسمع تامر حسنى اذا كنت بتسمعه.. وعلى فكرة كل لما تقرا اكتر كل اما ثروتك وملتك تزيد
بقالى كتير اوى مقرتش حاجة رومانسية
:)