Sunday, October 21, 2007



قلبي اشتكى لما انكوى . . انتي العذاب و لا الدوا ؟


قلبي احترق منك لهيب ومبقاش منه غير رماد ده ان بقى


أرجع واقول دي كلها مرارة دوا


و بهمستك و بلمستك بعدها انسى الجوى


عيني انا على الفؤاد اللي انكوى لما اشتهى شربات خدودك ما ارتوى


أخاف اسيب حبك كونه عذاب يطلع دوا


و اعيش وحيد عليل من النوى

واخاف أمسك في حبك يطلع عذاب و ينحرق قلبي اللي هوى

................................................................................................................................
عـــــــــــــــــــــــــــــــلاء

7 Comments:

  1. Anonymous said...
    انتي العذاب ولا الدوا ؟
    تلك هى المسألة
    كام حاجة في حياتنا وشاغلة تفكيرنا ولا قادرين نستغنى عنها ولا نتمسك بيها ولامنها عذاب ولا هي دوا

    جيت على الوتر الحساس يا علاء بكلام بجد اكتر من رائع
    سهل وبسيط ومعبر
    الالهام والوحي كان بقالهم فترة مخاصمينك
    بس الحمد لله العودة قوية جدا
    ما شاء الله
    sa'7so'7te said...
    قليل لما اقرا حاجة و احسها مش بس اقراها
    بس انا لو مكانك افضل متمسكة بالعذاب ده
    و على راى صباح
    " ذنبك ايه ذنبك بحبك هو بعد الحب ذنب"
    :)
    تحياتى ليك و اعذر تقصيرى فى زيارتك هنا بس و الله احنا على امتحانات
    سلام
    Anonymous said...
    مش عارف ليه انا وبقرءاها افتكرت اغنيه للمطربه ذكرى اسمها ياهاجرى
    فيها بيت بيقول انت العذاب وانت الهناء
    بس عجبتنى دى
    اخف اسيب حبك كونه عذا يطلع دواء كجمله بس من راى لو بقيت
    اخاف اسيبك حبك لانه العذاب يكون الدواء
    كانت بقيت اسهل على المتلقى
    ahmed mefrh said...
    المشكله انه يس هناك عذاب و دواء فى ان واحد ...... و المرء الذى لا يفرق بين الاثنين فهو فى غياب عن الواقعيه
    علاء عارفين said...
    rania

    شكراً جداً على الكلام الحلو ده و ان شاء الله في حاجات احسن جايه

    ..................................

    sa'7so'7ty

    صحيحي زي ما بتقولي فعلاً . . على رأي صباح


    و ربنا يساعدكوا في امتحاناتكوا حاسين بيكو و الله

    ..................................
    رئيس جمهورية نفسي


    وجهة نظرك كويسه و الله فعلاً بالطريقه دي تكون اخف شويه في قرايتها

    ...............................

    أبو مفراح

    شكراً جداً لزيارة حضرتك
    و من ناحية و جهة نظر حضرتك فهي مظبوطه و انا مذكرتش ابداً انه العذاب و الدوا في وقت واحد انا بقول (ولا) يعني يا ده يا ده . . بس هي المشكله في التمييز يعني احياناً الدوا بيكون له اعراض جانبيه مش كده ولا ايه و انت تبطل الدوا تقوم تتعب فيبقى احسن الدوا بمرارته و اعراضه الجانبيه احسن من العيا نفسه

    و نتمنى متحرمناش من زياراتك
    heart of ocean said...
    سلام عليكم .. دى اول زياره ليا هنا :).

    كلماتك معبره و بسيطه بس معانيها حلوه .. عذاب و لا دوا ؟؟احيانا مش بنقدر نعرف قيمه حاجه فى ايدينا الا لما نشوف حد غيرنا مفتقدها او انها تروح مننا .. ممكن نتمسك بالعذاب و متخيلين انه الدوا و العكس ممكن نسيب حاجه تضيع مننا على انها العذب و تطلع بعد كده هى الدوا ...


    بس بنظره عقليه للواقع و للناس اللى حوالينا بالمنطق ممكن نقدر نحكم اذا كان العذاب و لا الدوا

    و تقبل مرورى
    Anonymous said...
    Can't comment!!!

Post a Comment