Friday, April 25, 2008
أنا العايش على الهامش
و قلبي كأنه شيء هايش
أنا من عاش بره بلاده غريب
ورغم رجوعي لبلادي فضلت غريب
ويوم ما الغربه فارقتني وصارلي حبيب
قالولي ده انت مش منا ملكش حبيب
دانتا غريب و ماليك غير الهامش
وصبحت عايش على الهامش
وقلبي كأنه شيء هايش
أنا اللي حبي بعد الحلم صار كوابيس
وأنا اللي كنت من قلبي شايفني عريس
عشان حبيت ومن قلبي شافوني خسيس
وليه هيَ . . وليه ديهَ . . وليه عايش
مانا العايش على الهامش
وقلبي كأنه شيء هايش
صحيح أملي لقيته تراب
لكن عايش
صحيح حلمي بشوفه سراب
لكن عايش
وبكرايا ملامحه هباب
لكن عايش
وهل دي عيشه يا عايش ؟؟
وهل هفضل على الهامش ؟؟
...................................................................................................................................................................
أيمن وعلاء
لكن عايش
صحيح حلمي بشوفه سراب
لكن عايش
وبكرايا ملامحه هباب
لكن عايش
وهل دي عيشه يا عايش ؟؟
وهل هفضل على الهامش ؟؟
...................................................................................................................................................................
أيمن وعلاء
273 Comments:
Subscribe to:
Post Comments (Atom)
دي فتره بتمر على كل واحد لكن بتعدي
لو احنا عاوزنها تعدي هتعدي
تحياتي
والله بجد هى حلوة
مش سلبية --------------------------ماشى
بس فى مجرد تعليق بسيط
حضرتك قولت أنا من عاش بره بلاده غريب
عايزها عامى قول أنا اللى عشت
عايزها فصحى قول حاجة غير برة
أنا شايفة كدة يعنى
بس هى حلوة والله والبوست كلة فوق الفظيع
شكراً جداً على ذوق حضرتك و على تعليق حضرتك المشجع
.........................
anonymous
ماشي يا ستي
وشكراً على تعليقك وانك اتنازلتي و رديتي علينا
وعاجبني كمان النص التاني
هايله بجد
تحياتي
تسلم ايدك او ايدكم
:)
عجبتنى بجد
شكراً اوي يا باشا
........................
BREAK
الله يسلمك . . و شكراً
لكن عايش
صحيح حلمي بشوفه سراب
لكن عايش
وبكرايا ملامحه هباب
لكن عايش
فكرك ليه عايشين ....
علشان مفيش بايدنا اختيار تاني
:)
ساعات باوصل للحالة دي
ساعات كتييييير
كلماتك حلوة أوي
انت مبدع والله
ومش عارف ارد على اسئلتك اللى فى الاخر
بس اكيد زى ما قال بيج كود
مفيش اختيار تانى
تسلم ايدك يا مان
والله طب كويس ان مش انا لوحدي اللي بتجيلي الحاله دي
و يارب تفضل منورلي البلوج كده على طول
............................
7akwena
الله يسلمك يا باشا
ولا مبدع اناولا حاجه . . انا بس بقول اللي بيجي على دماغي
البوست جميل اسلوبا ومضمونا
انما علي المستوي الشخصي
انت مش علي الهامش
بالعكس انت عايش وجود لفيت وحبيت
فشلت اه
عادي كلنا بنفشل
انما حاول تاني وجرب تاني
هاتلائي نفسك احلي حد
تقبل من تحياتي
شكراً على التعليق الرافع للمعنويات
و سعيد فعلاً ان اللي كتبته عجب حضرتك و لتمنى تزوريني هنا على طول