هنـــــــــــا .... و هنـــــــــــــــــــاك

خبر مفرح

2009-03-08T01:49:00.002+02:00

اليوم و الحمد لله وقعت عقد نشر ديواني الأول مع دار أكتب للنشر و التوزيع

و ممما يثير الضحك . . اني لم أستقر على عنوانه بعد

:D

عـــــلاء عـــــارفــين

إيكاروس

2009-01-06T02:00:00.005+02:00

قد طار شوقاً نحو حلمٍ دافءٍ
و يشدهُ فيضُ التوهجِ و الألقْ

علاء عارفين
..

قيل انتحر

2008-12-11T17:15:00.001+02:00

قيل انتحر
قيل الغرام بقلبه
ما كان يبقي أو يذر
لما جفته خليلةٌ
ثيل انتحر
قيل بأن فؤاده
عاف البشر
ماكان يُشْعَرُ بيننا
كان الغياب كما حضر

قيل انتحر
لكننا . . ما همنا
ما كان يعنينا
كلامه و النظر
ولا مقيل الشعر
أو ضرب الوتر
ولا كان يعني
أخاب أم انتصر
و اليوم قيل بأنه
قد غاب شهر
و اليوم جاء مسامعي
بأنه
قيل انتحر

علاء عارفين

اسود على رمادي

2008-10-06T21:35:00.004+02:00

دي كنت كتبتها في شكل رد على القصيده اللي كتبتها المبدعه ميرام في مدونتها اسكت يا ابني

و كان ودي

أقول الدنيا دي بمبي

و أقول الضحكه جياني

و أحبابي أهم جمبي

و أقولك دربنا منور

و أغني الفرحه من قلبي

لكن مش دية الحاله

أملنا أصله مش بادي

و صار الحزن مذهبنا

و موت الحلم ده عادي

نهار غايم كده معتم

وليل اسود على رمادي

أنا كان نفسي اكتبلك

عن العمر اللي جاي قدام

لكن احلامنا مش باينه

ودنيانا غمام في غمام

عــــــــــــلاء

بلا عنوان

2008-07-19T20:19:00.001+02:00

أنا لن اسأل عن ملابسات ما يحدث في حياتي و لن احاول التطرق الى تفاصيل ممله لا تهم اي احد ، ولكنني ادركت شيئاً انه مرعلى يوم ولادتيما يقارب ال 22 عاماً ولم اعلم حتى الان . . من انا . .

لكل من الناس شيء ما يميزه . . إلا انا . . وذللك يشتمل على السواء الاشياء الجيده والسيئه . .

مثلاً قد يَعرف احد الناس على انه خالق للمشاكل ويعرفه الناس لذلك قد يكرهونه .. لكنهم يعرفونه

أما أنا فبمَ ستصفني . . ببساطه لن تجد شيئأً . . لن اترك اي اثر في هذه الدنيا ان رحلت ولن يتذكرني احد .. حتى انهم لن يلاحظوا شيئاً ما تغير . . وان لا حظ احدهم فسيكون على هيئة : هناك شيء ناقص لكن ما هو ؟؟

وذلك يرجع الى انني لا استطيع عمل اي شيء على وجهه الصحيح ، لا استطيع ان اكون ناجحاً دراسياً

ولا استطيع ان احب من اريد . . ولا بقادر على التعامل مع الناس على الوجه الامثل

حتى انني لا استطيع ان اكون عربيداً او سكيراً او فاسداً . .

قد يقول لي احد الناس . . انني اسعى كثيراً لإرضاء الغير . . غير انني لا استطيع ارضاء نفسي في المقام الاول وذاك لأنني لا اعرف ماذا اريد . . لذا يصبح ارضاء الناس لا قيمه له . .

ملخص القول . . كل شيء في حياتي رمادي

لا طيب ولا شرير . .لا مخلص ولا خائن . . لا ناجح ولا فاشل

كل شيء ليس له حد او قيمة معينه . . حتى تصبح الحياة نفسها كالموت سكوناً . .

علاء

على الهــامش

2008-04-25T15:53:00.003+02:00

أنا العايش على الهامش
و قلبي كأنه شيء هايش

أنا من عاش بره بلاده غريب
ورغم رجوعي لبلادي فضلت غريب
ويوم ما الغربه فارقتني وصارلي حبيب
قالولي ده انت مش منا ملكش حبيب
دانتا غريب و ماليك غير الهامش

وصبحت عايش على الهامش
وقلبي كأنه شيء هايش

أنا اللي حبي بعد الحلم صار كوابيس
وأنا اللي كنت من قلبي شايفني عريس
عشان حبيت ومن قلبي شافوني خسيس
وليه هيَ . . وليه ديهَ . . وليه عايش

مانا العايش على الهامش
وقلبي كأنه شيء هايش

صحيح أملي لقيته تراب
لكن عايش
صحيح حلمي بشوفه سراب
لكن عايش
وبكرايا ملامحه هباب
لكن عايش

وهل دي عيشه يا عايش ؟؟
وهل هفضل على الهامش ؟؟
...................................................................................................................................................................

أيمن وعلاء

آخـــر كلــماتي

2008-03-14T00:06:00.005+02:00

و دمع و جرح

و آمال وئدناها

و خوف و حزن

أحاسيس قتلناها

و شوق عليل

يداعبني بذكراها

كفى بالله . .

كفى بالله

و ذرني لأنساها

و ساعدني لفرقاها

و أصممني عن الصوت

و أعميني للقياها

فإن بداخلي حمم

تمزقني

و تحرق كل اوصالي

تناشدني لألقاها

قتلنا الحب

بالرؤيا

لأيام سنشهدها

كتبنا القادم الآتي

ولم استرع آهاتك

ولم تسترعٍ اناتي

فهل للحب من ذكرى

و هل بعدت مسافاتي

و اكتبها وانشدها

ودمعي ساق اناتي

هنا انهي كتاباتي

هنا انهيت كلماتي

.........................................................................................................................................................................

علاء

سئــــمت النــــاس

2008-02-21T13:18:00.001+02:00

سئمت الناس من قيل وقال

وما دخل الغريب بسوء حالي

وما لاكته السنة توارت

بخدر الزيف يرعاها انشغالي

ومن ساق الهوى منهم تجلى

فذا يهذي وذا يرثى لحالي

فاني اخذ منكم ضراراً

على يدي وان طال اعتلالي

وان الدمع يعصى عن عيوني

لخسكم نساء او رجال

.................................................................................................................................................................

عــــــــــــــــــــــــــــــلاء

مات الأنا

2007-12-22T21:41:00.000+02:00

مات الأنا

جوايا ييجي من سنه

مات الحبيس بين الضلوع

لما تعب مــ الأنأنه

و هيعمل ايه لما انكسر

جوايا كل اللي اتبنا

و هيفضل ايه

غير خوف و حبة دندنه

آه يا أنا

...................................................................................................................

عـــــلاء

ليس لكِ مَثَل

2007-11-29T17:10:00.000+02:00

في دجى عينيك رايت الأمل

ولحسنها يخبو لديَ الغَزَلْ

دجىً قد ضعتُ في أنحائهِ

وتقطعت بذا الفؤاد السُبُل

أيا تلك الصهيباء التي

لم أرتأي بين النساء لها مَثَلْ

ملداء تنخلع القلوب لكِ

فالعذر للقلب العليل بما اعتمل

وَهَجَ الصبا من عودها و بكفها

وبكل قنديل بها حتى اكتمل

لولا الحياء بذا الفؤاد لضَمَكِ

حتى إذا ذبل الفؤاد أو اشتعل

فياليت شعري إن رَنَوتِ لكلمهِ

أن يَبْسُمَ الثغر الرقيق لِمَا اشتمل

.................................................................................................................................................................
علاء

ملاكاً كنت تبدين

2007-11-20T18:48:00.000+02:00

. .

ملاكاً كنتِ تبدينَ إليَ

بلا ظلٍ كنجمٍ في الثريـــا

عيـــون كالمها ترنو إليَ

كحلم ظاهرٍ في مقلتيَ

لعلــي كنت أرجوكِ إليَ

ولكني وعيت الحق توا

لكان القلب عَلِمَه إن تروى

بأنك دون خلق الله زهواً

بليتِ و إن بدوتِ إلي رهواً

بأكذب أصغرين بجنس حوا

.........................................................................................................................................

عـــــــــــــــــــــــــــــــــلاء

I Love to See You Cry . .

2007-11-05T00:06:00.000+02:00

You may ask why I love to ??

and that's not because I wish you misery

but I prefer you to cry with me beside you than you to cry alone

I love to feel that I can wipe away your tears along with your sadness

....................................................................................................................................
3laa

إنتي العذاب ولا الدوا ؟؟

2007-10-21T22:02:00.000+02:00

قلبي اشتكى لما انكوى . . انتي العذاب و لا الدوا ؟

قلبي احترق منك لهيب ومبقاش منه غير رماد ده ان بقى

أرجع واقول دي كلها مرارة دوا

و بهمستك و بلمستك بعدها انسى الجوى

عيني انا على الفؤاد اللي انكوى لما اشتهى شربات خدودك ما ارتوى

أخاف اسيب حبك كونه عذاب يطلع دوا

و اعيش وحيد عليل من النوى

واخاف أمسك في حبك يطلع عذاب و ينحرق قلبي اللي هوى

................................................................................................................................
عـــــــــــــــــــــــــــــــلاء

إليــــــــــكِ

2007-09-06T03:18:00.000+02:00

اي نور لو جنب نورك . . يبقى ضلمه ماهوش ده نور

ياللي لما بتيجي . .يدخل عالحضور فرح و حبور

واما تمشي القلب . . يحزن ولا ابقى عارف ايه السرور

..........................................................

نفسي اوصف بس وصفي . . فيكي ماتكفيه سطور

حتى لو عندي لوصفك . . مما قال الناس بحور

........................................................

و انتي ماشيه لمحت نورك . . قلت عالارض البدور ؟

واما حد يقول دي جايه . . كنت اقوم الف ادور

انتي فين يا نن عيني . . انتي فين يا أحلى حور

..........................................................

يالللي عاليه ياللي غاليه . . انتي ليه حكمك يجور

عاللي لو هتشوفي قلبه . . هتلاقيه بانيلك قصور

قصر فرح و قصر حب . . قصوري من غيرك قبور

حني ياللي القلب لما . . بعدتي عنه بناله سور

عازله عن ناسه و اهله. . عاش بعيد عن كل نور

...................................................................................................................................................................

عـــــــــــــــــــــــــلاء

Photoshop Design . . .

2007-08-26T18:48:00.001+02:00

click to Enlarge

This is my Last Photoshop Design . . I hope you Like it

.................................................................................................................................................................

إذا أردت شيــــئاً

2007-08-22T01:26:00.000+02:00

"اذا أردت شيئا بشدة فأطلق سراحه فإن عاد اليك فهو ملكك الى الأبد وان لم يعد فهو لم يكن لك من البداية"

مقوله . . لا أدري- حسب معرفتي الضئيله- اين مصدرها أو من قائلها ولكني اسمعها كثيراً

ترى هل هذا حقيقي . .

دعني افسرها كيف اراها

انت تريد الشيء بدرجة كبيره . . و بما ان العباره تقول (اطلق سراحه ) فان دل ذلك على شيء فانه يدل على انك امسكت الشيء الذي تريد . . فأنت لا تطلق سراح ما ليس بين يديك

و لكن اذا عاد لك . . لماذا قد يعود لك ما قد تخليت عنه . .

انا ارى هذه المقوله من وجهة نظر أخرى

أذا اردت شيئاً فأطلقت سراحه

فانه قد يعود لك . . فإن عاد فانه قدر لك او لحسن حظك

و إن لم يعد فإنك ستبكي هذا الشيء الذي اردته دوماً و ستنعى حظك المرير . . و لربما تلوم نفسك أن قد تخليت عنه

ربما المقوله منذ البدايه صحيحه و لربما ان بعض الاشياء اذا حظيت بها فلا يجدر بك التفريط فيها لأانها قد لا تعود ابداً

ووقتها لن تكون تلك الاشياء (ليست ملكك منذ البدايه ) وانما انت بتركها جعلتها ليست بملك لك

هذا رأيي المتواضع ليس إلا . . .

..........................................................................................................................................................................

المعالق عندنا مش قد بعض

2007-08-15T15:02:00.000+02:00

معالق الشاي اللي عندنا في البيت مش قد بعض . . يعني حاجات كبيره و حاجات صغيره

لأنهم مش طقم واحد دول كذا طقم ده غير مره ممكن تشتري شاي تلاقيه فيه معلقه وكده . . . فبقى الواحد عنده تشكيله من الاحجام و الاشكال . . .

المهم موضوع المعالق عامللي مشكله . . كل ما اجي اعمل شاي

ممكن يطلع تقيل بزياده . . او خفيف بزياده . . حسب المعلقه يعني . .

فبقى الواحد مضطر ياخد باله من حجم المعلقه عشان يطلع الشاي مظبوط

المهم بقى خدتوا بقى انتوا بالكو

يعني المعالق دي متغير . . لازم الواحد يراعيه . . ولازم الشاي يطلع مظبوط وده المفروض ثابت

و على كده حاجات كتير في الواقع . .

يعني كل مجتمع له متغيراته وانت لازم تراعيها عشان شايك يطلع مظبوط . . يعني من غير ما تبوظ اخلاقك ولا دينك ولا اي (ثوابت)

وعلى كده برضه الناس . . يعني في امور كل واحد بيبقى له نظره فيها . . وانت عشان متعملش مشاكل لازم تاخد بالك من حجم المعلقه (قصدي معايير الشخص اللي بتتعامل معاه يعني

وعشان محدش يفهمني غلط بقول تاني . . لازم الشاي في الاخر يطلع مظبوط – دون المساس بالثوابت – لأن لما الشاي يطلع مظبوط انت تعرف تعيش حياتك على الوجه الامثل

و اتمنى ان يكون شايكم مضبوط على طوول

......................................................................................................................................................................

TAG . . .yeeeh

2007-08-14T09:13:00.000+02:00

انت مين ؟؟
سؤال صعب على فكره . .
مؤقتاً . . أنا علاء . .

مين اكتر ست اشخاص بتحبهم ؟؟

ماما و بابا و اخواتي و اصحابي
مينفعش سته بس على فكره
كده في ناس هتزعل

انت سعيد؟

مش عارف و الله . . لما اعرف هقولك
بس أنا ببقى مستريح طول مانا مبفكرش لا في امبارح ولا في بكره

لو اجتمعت انا وحسني مبارك في غرفة واحدة؟

بابا حسني . . هشرب الشاي و اسلم على طنط سوزان
واقولهم يلسمولي على جمال وعلاء
واتكل على الله
:D

لو معاك مليون ونص جنيه......تعمل بيهم ايه؟

هتجوز

بهزر طبعاً . . هشتري بيهم ارض او شقه في مكان ما على سبيل الاستثمار
و ابيعها بعد فتره سنه او سنتين
يطلع فيها قرشين حلوين . . اصل الجنيه في النازل
و مينفعش الواحد يشيل فلوس
لازم يشتري بيها حاجه

بتحب مصر؟

رغم الكرب . .
اساسي بحب مصر

بتحب البنات؟

رغم ان البنات مبيجيش من وراهم غير المشاكل
انما
.

هو في حد مبيحبش البنات

انت مسلم ؟

الحمد لله

ليه؟

هو الواحد أساساً بيكون مسلم من قبل ما يتولد . . الحمد لله طلعت اهلي مسلمين
على نفس دين الفطره
الحمد لله

مين اكتر شخصية ما تقدرش تستغنى عنها في حياتك؟ وليه؟

في شخصيات كتير ما اتخيلش نفسي من غيرهم
ماما و بابا و اخواتي ويمكن كمان بعض من اصحابي

بس في الواقع ان الواحد على مر الايام هيفقد الناس اللي حواليه
مش معناه ان الواحد يموت و ميكملش حياته
عموماً . . ربنا يخلي كل الناس اللي حواليا
واتكل انا قبليهم كلهم

أما عن الــ ( ليه ؟ ) دي . . معرفش صراحه و بيتهيألي ملهاش مكان في السؤال

ايه اكتر موقف محرج اتعرضت ليه في حياتك؟واتصرفت ازاي؟
موقف محرج . . الحمد لله مش كتير في حياتي

و كلها من نوع اني طلعت على السبوره و معرفتش اجاوب

و حتى دي مش كتير – لأني عبقري طبعاً -
:D

و اتصرفت ازاي متصرفتش . . هعمل ايه يعني هفتي

ايه الأمنية اللي بتدعي ربنا دايما انه يحققها لك؟

و الله دي حاجه بيني و بين ربنا
ايه الناس الحشريه دي

تمرر التاج دة لمين؟

امرره

لــــ

Lojain

................................................................................................................................................................

21

2007-08-04T23:49:00.000+02:00

اليوم ذكرى ميلادي . . اليوم ادركت ان 21 شتاءً قد انقضت من عمري

هل ابتهج فرحاً بهذا . .قد يكون هذا الشعور السائد عند البعض

و لكن هذه المناسبة السعيده تذكرتي بأنني قد اصبحت وفقاً للقوانين كامل الاهليه

و ياللروعه لقد اصبحت كامل الاهليه ومازلت ( باخد مصروف )

و الرائع في الامر ان هذا الحال سيستمر لسنوات قادمه

قد يكون خطأي . . قد يكون قدري . . لا احد يعلم . . ولعل السنون القادمه تأتي بما لا اتوقعه

وكل سنه و انا طيب . . .

هييييييه . . يللا نولع فيـــــــــهم

2007-07-23T13:40:00.000+02:00

موقف تاني . . حصل معايا من كام يوم و انا في المترو . . و كان ساعتها المترو فاضي الى حد ما

و في محطه من المحطات ( مش فاكر هي ايه) . . دخل واحد من الاطفال المشردين دول ( لو بتركب مترو اكيد هيكون صادفك واحد منهم قبل كده)

المهم . . الواد ده قعد يجري في المترو و يتشعلق هنا و هناك . . وكان في راجل قاعد كده شكله اساساً طالع عينه و مش طايق نفسه

قام الراجل ده زعق للولد اللي بيتنطط (عادي) . . وقام الراجل اللي قاعد قدامه هو كمان قال يزعق للولد (اشمعنى هو يعني !!)

فالراجل الاولاني قام قايل للولد : انا هوديك لامين الشرطه يضربك . . فأثنى عليه الراجل اللي قاعد قدامه و قال : اللي زي دول لازم يروحو الاحداث

المهم فعلاً قام الراجل شادد الواد و عايز يروح يديه لامين الشرطه اللي في المحطه الجايه

أنا كنت قاعد اتفرج و مبتكلمش . .

بس بعد دقيقه كده قررت اروح اتكلم مع الراجل ده . .

فسألته ( و بمنتهى البراءه ) : هو الولد ده عمل ايه ؟

فجاوب و قال : عمال يتنطط و العربيه فيها حريم و اطفال

فقلتله : يعني الولد مسرقش ولا خبط حد و لا حتى شتم حد . . من الحريم و الاطفال اللي موجودين في العربيه

فقالي نفس مقوله الراجل اللي كان قاعد قدامه : اللي زي ده لازم يروح الاحداث

فجاوبته : وبعد كده نرجع نشتكي ان هيطلع من الاحداث مجرم بجد !!

فقاللي مقوله رائعه : و هو كده مش مجرم ............... (يا سلااااام !! . . هو يعني عشان خاطر بيتنطط زي اي عيل بقى مجرم )

فجاوبته : لا مش مجرم . . ده طفل و بيتنطط . . عادي جداً ولا هو عشان ملوش حد يحامي عنه
المهم و بعد هذا الحوار قرر الراجل انه يسيبه ينزل من المترو

و بعدها جرى حواار لطيف اشترك فيه ذلك الرجل اللطيف ( بتاع . . لازم يروحو الاحداث)

المهم لقيتلك الراجل ده بيقول كلام " لذيذ . .

بيقول ايه بقى . .بيقول انه بيشتغل في مؤسسه مختصه بأطفال الشوارع و المشردين وخلافه

و بيقول انه الاطفال دي لازم تتحرق في أفران غاز . . ( لا يا شيييخ !! )

قلتله : لما حضرتك المفروض انك من الجهه المختصه برعايتهم عايز تولع فيهم . . امال بقية الناس تعمل ايه

قاللي : دول انتاجيتهم صفر . . عاله على المجتمع . .

فرديت : فبدل ما نحاول نخليهم منتجين . . نقوم نولع فيهم

قاللي : دول فئات ملهاش لزمه . . اطفال شوارع . . مرضى الايدز . . . و قال حاجات تانيه بس انا مش فاكرها

بس حكايه مرضى الايدز دي اللي غاظتني جداً . .

فقلتله : يعني ذنبه ان هو مريض نقوم نحرقه . . و بعدين لعلمك اغلب مرضى الايدز في بلدك بيبقى عن طريق نقل دم ملوث

يعني مش ذنبه . . يعني مفيش اي احترام لانسانيته خالص . . ده الرسول صلى الله عليه و سلم امرنا بالرحمه حتى للحيوان و النبات . . ما بالك بقى . . ده بني ادم

قام رادد : قاللي . . لا طبعاً الرحمه موجوده . .ده حتى كان جايلنا دكتور مصري من قطر و كان حصلله نقل دم ملوث و تعاملنا معاه بمنتهى الاحترام . .

قلتله : يعني عشان خاطر هو دكتور نعامله كويس و عشان دول مالهمش حد نحرقهم . . .

المهم ساعتها المترو كان وصل حلوان و سلمت عليهم و مشيت . .
انا مش عارف بصراحه الناس دي . . ده يعني العادي ولا هو انا اللي فاهم غلط ولا ايه بالظبط . . .

بيره. . و سجاير بانجو

2007-07-10T23:32:00.000+02:00

اولاً يا جماعه انا اسف على العنوان . . بس ملقيتش عنوان انسب منه

ثانياً ً خروجاً من جو الاحاسيس و المشاعر و المضايقه و النكد . . قررت احكي موقف حصل معايا الشتا اللي فات

حبه فرفشه يعني . .

تعالوا نجيب الموضوع من الاول . . كان اول يوم العيد شارف على الانتهاء . . كنا ساعتها في مدينة نصر

الساعه تقريباً داخله على 12 و المفروض ان احنا تاني يوم نروح لاحد اصدقائنا في كوم حماده لقضاء يومين في الريف عندهم في العزبه

بس المشكله بقى فيييين؟؟

ان انا ساكن في حلوان و كن مجبتش هدومي و كده يعني . . .و كان المفروض ان احنا نبات عند واحد مننا و الذي هو ساكن في الهرم . . . . (قشششششششطه)

المهم خدنا ميكروباص من مدينه نصر لحلوان

و روحنا البيت انا وواحد جه معايا من باب التسليه

المهم ظبطن الشنطه و خدناها و نزلنا و ركبنا ميكروباص من حلوان للجيزه

ووصلنا الجيزه حوالي الساعه 2:30 . . . . . (تمااااام)

و المفروض بقى ان احنا نركب عربيه فولكس للهرم

وجت العربيه بسرعه . . و بغض النظر عن ان السواق كان شكله مريب ركبنا العربيه . . (ماهو اصلاً نص السواقين في مصر شكلهم مريب)

و بعدين فوجئنا ببتاع 6 شباب جايين راكبين معانا اتنين قدام جنب السواق وواحد جمبنا واتنين ورا. . و اول ما ركبوا العربيه طلبوا من السواق انه يفقل الباب

رغم ان العربيات دي في العاده بتمشي ببابها مفتوح . . و قالوله عشان البرد و كده

وانطلق السواق بسرعه اسطوريه . .

و فوجئنا بالشخص الكائن جمبنا بيقول للورا . . نشربها دلوقتي . . قام اللي ورا قال له ماشي . . راح فاتح حاجه كانت ملفوفه قام اللي ورا قال له . .

السجاير يللا مش البيره

وقاموا بتوليع عدد من السجاير وعزموا على السواق الذي لم يمانع اطلاقاً وكانهم بيعزموا عليه بعصير قصب مثلاً . . .

وم اقولكوش على السواقه بقى . . تحفففففه

المهم احنا وصلنا الى المكان المنشود و نزلنا من الميكروباص بسرعه شديده

المهم الموقف كان مضحك جداً . . للدرجه دي البانجو بقى عادي جداً . . . و عجبي

متضايقش نفسك

2007-06-28T16:43:00.000+02:00

ايه اللي يضايق يعني . .

هتقعد في الكليه سبع سنين وتطلع تقعد على الرصيف . . عادي ما دي حالة ملايين الشباب في مصر على الاقل انت هتبقى قاعد على الرصيف برتبة دكتور

ولا تكونش متضايق عشان كنت بتحب واحده و هي قالتلك بلاش . . يا سيدي هي حره . .هو انت هتمشي الناس على مزاجك

ولا اوعى تكون متضايق ان ابوك مش مقدر مشاكلك . . بصراحه هو معاه حق ماهو انت بتستهبل غالباً . . وبعدين راعي فرق الاجيال برضه يعني الراجل معذور

ولا يعني متضايق عشان مشاكل ماديه . . ايه يعني كنت عايز حاجه وماجتش . . احمد ربنا غيرك مش لاقي ياكل

و اللي بجد مصدقش انو يكون مضايقك ان حد من صحابك عاملك وحش ولا ازمة ثقه مع حد . . يا سيدي ماهو الناس معاها حق . . هو حد يآمن لحد في الزمن ده . . و بعدين انت اللي غلطان برضه . . ماهو انت ما تعملش العمله وتقول للناس يستحملوك . . ماهو الناس دي مش شغالين عندك

منتهى الحديث بقى ان مفيش حاجه تضايق . . دي كلها مشاكل بسيطه . .

......................................................................................................................................

علاء

قصة واحد كان كويس واتبهدل

2007-06-17T23:01:00.000+02:00

قد كان قلبي يتيه بخلوهِ

حراً طليقاً دون جفنٍ مسهدِ

عيون العذارى لم تنل من مقلتي

غير الجفى أو غض طرف مُبعَدِ

حتى رأيتكِ يوم صبح باكرٍ

فأسرتِ قلبي دون سابق موعدِ

و مضت سنون و أنا أبقي حبكِ

سجين قلبي . . واه لقلبي المسهدِ

و تركتِ قلبي دون أمل ظاهرٍ

وإذا بقلبي في جنون سائدِ

ومن العجيب بأن قلبي بعدها

قد علني و هو بحبكِ عائدِ

قد ظل قلبي إليك يرنو بصبحهِ

و مسائه و كأنه بقيسٍ يقتدي

لن تعثري من قد يحبكِ قدرما

أحببتكِ و ليشهدن بذا دمي

............................................................................................................................

عـــــــــــــــــلاء

This is not schizophrenia

2007-06-03T15:56:00.000+02:00

Everyone has his own personality components , it is like you have different persons within you

And for me they don’t seem to get rest and let me have rest . . .

(G) for Guilty

It was my fault from the beginning I was living in peace . . I brought all that to myself

I hurt me and the people around me

(A) for Arrogant

I need no one , I used to tell the people what to do . . no one directs me .. I am intelligent

I am by myself and that’s better because no one is capable enough to be in control other than me . . .

Stand in my way & you will be the one to suffer

(N) for Needy

Tell me what I want to hear from you . .

Support me because I am floating ..

I am weaker than I appear to be

(I) for indifferent

Who cares . . .In the end it doesn’t even matter

(S) for smart

I will just leave the way to go . . and I will watch carefully and may be once I might be able

To take a perfect decision

..............................................................

it is not the matter of who is the right one . . and may seem to be obvious

it is the matter of which one will take control . . and this have nothing to do with being right or reasonable

...........................................................................................................................................

3laa

حواء . . اسمعيني

2007-05-29T00:06:00.000+02:00

النهارده الصبح قريت بوست عند الاخت روزاليا بعنوان يا آدم

فجت في بالي فكرة اني اكتب حاجه شبه كده بس من الناحيه التانيه . . فتحت الوورد و حطيت ايدي على الكيبورد وده بقى اللي طلع معايا

حواء . .

طفل كبير أنا . . احتاج منك الحنان و الرعايه

لا . . لا اريد نهر حنانك كله . . يكفيني جدول صغير يغسلني مما يعتريني وأنا مسافر بين جنبات هذه الحياه

وإن تفضلت به كله فلكِ مني كل تقدير

إن قبلت ان تغدقي علي حنانك أكن أقوى و أقدر و أغدو درعاً يحميك من ضيم هذه الأيام

وإن أغلقت بابك دوني صرت كالوحش الجريح . . اؤذي من حولي تارة أو أصرخ وحدي تارات

حواء إن اعتراك سوء فلا تترددي أن تشكي إلي همك . . لا لن أستهين بمصابك مهما كان صغيراً

حواء هاتي يديك نمضي سوياً . . فأنا بك اقوى . .و أنت بي أعز وأكرم

حواء إن تتركي قلبي فقد هوى . . وإن قبلت حبي فما ضر قلبي ما ذوى

.................................................................................................

عـــــــــــــــلاء

مقاطع من زقزقه .. لعبد المجيد عتلم

2007-05-27T14:13:00.000+02:00

بصراحه أنا مكنتش ناوي انزل اي بوست اليومين دول . . .بمناسبة الامتحانات وكده
بس بجد الراجل ده بيقول كلام في الجوووون

أنا اخترت من قصيدة زقزقه الاتلات مقتطع دول . . يارب يعجبوكوا. . ولو واحد عنده تعليق على الكلام يقوله

إحتلال
من زمان..
والقلب عايش عزلته
فتح البيبان ..
فرسان عنيكي إحتلته..
وطلّت على كل الأماكن
فتِّشت
وطلعلها حزني العجوز
فاستسلمت

حيرة
إحترت...؟
عدٍّيت الحدود
وفهمت..؟
بصّيت ع الوجود
مرَّه بغنا
مرّات..بكا
بس العذاب إن العيون
لسَّاها برضه بتحتوي ...
نــفس البرود

إحتياج

صاحبني نبني شكل تاني للساعات
صاحبني نهزم كل جدران السكات
ونقول..غنا من قلبنا
جايز ساعتها نبتدي ...
فك الرموز..

أروع الأحاسيس

2007-05-24T18:07:00.000+02:00

بلا داعي أو سبب واضح تذكرت نقاش دار بيني و بين أحد أصدقائي حول ( أروع شعور في الحياة )

و قررت اكتب كلمتين عن الموضوع . . .

قالوا اروع الأحاسيس وصل الحبيب . . وقالوا الحب . . وقالوا فرحة النصر . . وقالوا و قالوا . . و إليكم ما أقول أنا . . . .

إن أفضل الأحاسيس على الإطلاق هو (توقف الألم ) . . نعم توقف الألم

تخيل أن يخترق كتفك خنجر . . ثم تخيل معي زوال هذا الألم الرهيب . . ألن يكون هذا الإحساس الأروع

لقد كان هذا المثال مثالاً بعيداً عن الواقع . . ولكن دعوني اقرب المعنى الى واقعنا اليومي

أن الألم بالطبع ليس بالضروره ألم جسدي . .ولكنه يمكن أن يكون ألماً نفسياً

فشعور زوال الألم يجمع الكثير من الأحاسيس تحت مظلة واحده

فالفراق ألم . . واللقيا زوال للألم

و التعب والكد و العناء ألم . . و النجاح بعدها زوال للألم

و الحرب ألم . . و توقفها زوال للألام

و هذا كله على سبيل المثال لا الحصر

..........................................................................................................................................................................

عـــــــــــــــــــــــلاء

TAG

2007-05-20T20:35:00.000+02:00

أحب شخص الى قلبك في الدنيا؟

Well this is hard to tell . . but in the end I think I am gona say ( my Mother )

انسان مستعد تضحي بحياتك _ركز في كلمة حياتك_عشانه؟

Well . . let me Count . .him . . her . . . that one too

Yeah I guess there are people that I am welling to sacrifice my life for . . . and I am not gonna mention them

إنسان كرهته لدرجة الجنون و تمنيت لو تمسك سكينة و تنقض عليه و تغرزها في

قلبه تقتله و تقف تبص على جثته و تشفي غليل قلبك؟

لا . . انا صحيح بتضايق من ناس . . بس عمري ما كرهت حد للدرجه دي في حياتي

ما هو إسم أجمل كتاب كتبه بشر قرأته و محتفظ به حتى الآن

كتاب الخيمايئي للكاتب (باولو كويلو)

إسم كتاب_كتبه بشر برضه_إنت متعلق بيه و بتقراه كل فترة؟

لا ما اعتقدش اني قريت اي كتاب اكتر من مره غير كتاب الخيميائي

أهم جهاز منزلي متعلق بيه أوبتستخدمه كتيرشىء تحس بالراحة النفسية عندما تنظر إليه؟

المكيف

شىء تحس بالراحة النفسية عندما تنظر إليه؟

شيء . . لا مفيش شيء محدد . . انما ممكن اشخاص معينين

مكان تحس فيه بالحنين إلى شىء لا تدري ما هو و ذكريات جارفة إلى لا شىء؟

I don’t know why . . but I think iam gonna say ( Cairo Airport) . . maybe because I’ve been travelling since I was in the womb

مكان تحس بالراحة عندما تدخله؟

المسجد

اجمل مدينة زرتها داخل مصر؟

اسكندريه

شخصية كرتونية تحبها؟

المحقق كونان

نوع هاتفك المحمول؟

Nokia N70

سرعة بروسيسور جهازك؟

2.4 GHz

ذاكرة _هارد_جهازك؟
160 GB

المساحة التي تشغلها المساحة الاسلامية على جهازك؟

I don’t I have any . . I keep them on CD’s or DVD’s

نفس الاجابة السالف ذكرها في قلبك_الاجابة لنفسك عشان الرياء يا اخوانا؟

يا عم انا مابكدبش

أهم هدف انت واضعه لحياتك الآن؟
مفيش

مواصفات فتاة الاحلام بالنسبة لي

1 . ذكيه

2. على خلق ودين و دي فيها كلام كتير مش مجاله هنا دلوقتي . .لأن موضوع خلق ودين ده بيختلف من ناس لناس

3. تعليم عالي

4. شكلها كويس . . مش لازم تبقى ملكة جمال يعني . . عادي يعني عشان لما اشوفها مقرفش منها

و بعدين اللي كاتب التاج ده يهمه ليه يعرف انا عايز اتجوز واحده مواصفتها ايه

طب افرض يا اخي/اختي . . ان انا واحد معقد و بكره صنف الحريم كله

و بعدين انا مثلاً احتمال لا بأس به ان انا متجوزش خالص . . ليه . . كده . . غباوه . . مش جايلي نفس

صف ما يأتى

****************

شعورك لما بتسمع كلمة مصر؟

الحسره

شعورك لما بتسمع كلام عن اليهود؟

الغضب

شعورك لما بتشوف ضابط شرطة؟

ربنا يكفينا شرهم

شعورك لما بتشوف الكناس العجوز في الطريق

بحمد ربنا على اللي انا فيه و بيصعب عليا الراجل

أفكارك تجاه شاب ماشي في الطريق يلبس جلابية بيضاء قصيرة و عمامة و له لحية و بجيبه السواك و في يده المصحف؟

محدش يزعل مني .. بس انا مابستريحلهمش بناء على تعاملات مع اشخاص منهم

وده طبعاً مش قاعده . . واكيد في ناس كويسين . .

إحساس يراودك في اشارة مرور مغلقة بسبب مسئول كبير؟

بفتكر على طول قصه مندوب كسرى عندما جاء يسأل عن أمير المؤمنين عمر بن الخطاب – رضي الله عنه-

فوجده نائماً تحت شجره فقال له

(حكمت فعدلت فامنت فنمت)

لم يعد يحدثني

2007-05-17T22:41:00.000+02:00

لا لم يعد قلبي يحدثني كما اعتدت أن يفعل

لم أعد أشعر به يختلج او يتقافز حين فرحي او حين لقيا حبيب او حين عودة من فارقوني

و لا أشعر به يغص ألماً حين جرحي أو حزني . . لم اعد أسمع أنينه ليلاً . . ولا مناجاته نهاراً

ترى ماذا حدث . . أتراه فارقني . . أم أنه سكت ولم يعد يشعر بشيء . . أم انني لم أعد اسمعه

أو انني اخترت تجاهله . .

لذلك جانب مضيء و هو أنه كان يضنيني بـتألمه

ويذيقني أنينه شوك السهاد

اما الآن فعقلي هو الحاكم والآمر بلا قيود . .بلا ألم . . فقط رأي صلب و منطق بحت

و لغياب قلبي جانب مظلم

و هو أنني لا أشعر بالفرح حقاً . . ولم يعد ما كان يمتعني سابقاً يمتعني الان

ولذلك لا أدري . . أأتمنى عودته

أم أعيش دونه

.............................................................................................

عــــــلاء

Yepeee

2007-05-12T23:35:00.000+02:00

الحمد لله المتحان عدى على خير

و دخلت عند دكتور كويس

و اتسالت أسئله معقوله

و الحمد لله أولاً

و شكرأً لكل اللي ساعدوني ثانياً

و ما نجيلكوش في حاجه وحشه

kefaya . . .7aram

2007-05-10T12:53:00.000+02:00

Ophthalmology exam at saturday

wish me good luck

and thank you my friend for your great help

و لنـــــا الله

Sure to lose . . .

2007-04-30T23:08:00.000+02:00

Ever lost a Fiend . . . . ??

and i don't mean just one of your study mates or something . . .

i mean if you have two or three people that you talk to when you are depressed or sad

and in a Traumatic manner you lose one . . . and inside of you you know that you brought that to yourself

but there are certain situations that the word sorry can't fix

and regret can do you no good

but what can I say

I remember a song that say exactly what i want to say

it says

"Please don't leave me this way
I'm guilty now all I have to say . . . If it's wrong to tell the truth
What am I supposed to do
All I want to do is speak my mind
If it's wrong to do what's right
I'm prepared to testify"

in the end . . i can't tell what my friend feels about this

but all I know that .. its true that its not gonna kill me

but Iam sure to lose

Sure to lose

..................................................................................................

3laa

Thought I’d be blown away

2007-04-26T02:21:00.000+02:00

It was just yesterday . . . I thought I’d be blown away

With the smile they said goodbye . . . farewell was the word to say

From now on it’s ought to change . . it’s not meant to be this way

So I’ve chosen to be out . . not gonna see you beyond this day

Thought I’d be blown away . . left them quickly without a Fray

And I thought it’s all alright . . it’s my grief that I shall slay

Not gonna see you beyond this day

Thought I’d be blown away

Cold and fast I am on my way

...........................................................................

3laa

تــــــــــــــــــــــــــــــــاج

2007-04-26T01:52:00.000+02:00

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها

في الواقع . . كان نفسي أقول حاجات كتير . . كل الناس قالت القرايه . . بس انا مبحبش اقرا - مش بالمعنى ده يعني - بس هو انا مابقراش غير الحاجه اللي تشدني اوي
وكان نفسي اقول الكتابه بس انا فاشل كتابه زي مانتوا شايفين
طيب ايه الرسم . . لا . . شكر الله سعيكم انا لو رسمت بيضه ببقى مبسوط جداً
الموسيقى . . لا يا عم مليش فيه
لو اعتبرنا تحديف الناس بالطوب هوايه كنت قلتها - بهزر طبعاً - بس هو انا كده
تقريباً مليش هوايات. . شخص ممل
:)

كان الحذاء الأحمر هو الذي يرقص

2007-04-16T02:03:00.000+02:00

زمااان . . وانا صغير . . . سمعت القصه دي وأثرت فيا جداً (قصة كارين والحذاء الأحمر) . . وبصراحه مكنتش فاهمها اوي ساعتها

بس فعلاً قصه جميله جداً . . . خليني أحكيهالكم على السريع

يروى أنه في ذات شتاء كانت هناك فتاة فقيره تدعى كارين . . . وكانت لشدة فقرها ترتدي حذاءً خشبياً و تركض في عتم الليل

تشتري الدواء لأمها المريضه . . ذلك بعد وفاة ابيها بفترة وجيزه . ..

و كان هناك بالجوار صانعة أحذيه كانت تعرف كارين . . وأهدتها زوجاً من الأحذيه و الذي كان أحمر اللون

و بعد هذا الحدث بليال . . توفيت والدة كارين . . ,اصبحت كارين وحيدة في هذا العالم . . و حضرت كارين جنازة أمها

مرتدية الحذاء الأحمر . . صحيح انه لم يكن لائقاً بهذه المناسبه ولكنها لم تكن تملك غيره . . .

وفي مراسم الجنازة كانت هناك سيدة كبيرة السن و يبدوا عليها أنها ذات شأن . . رأت تلك السيده كارين وقررت أن تتبناها

و لكن السيده رأت أن الحذاء الأحمر كان بشعاً . . و قامت بحرقه

و مرت الأيام وتعلمت الفتاة القراءه و الحياكه و الرقص و شبت لتصبح فتاة جميله

و كما مرت الأيام على كارين لتكبر . . مرت أيضاً على السيده العجوز و اصبحت عليلة البصر

و ذات مرة ذهبت كارين و السيده العجوز الى صانع الاحذيه الفاخره في المدينه

و من بين الأحذيه اللامعه . . لفت أنظار كارين حذاء لامع أحمر يشبه ذلك الذي ارتدته في صغرها

و لأن العجوز لا ترى جيدأً فلم تعلم شيئاً عن كونه أحمر وإلا لما سمحت لكارين بشرائه . .

و ذات مرة كانت هناك مناسبة في الكنيسه فما كان من كارين إلا أن أخرجت حذائها الأحمر ولبسته ولما كان الحذاء ملفتاً فقد

انتبه الجميع الى الحذاء حتى أن حارساً امام الكنيسه علق على أنه حذاء رقص جميل فأدت كارين بعض الخطوات الراقصه أمامه

فما كان من الحذاء الى أن أنه لم يتوقف عن الرقص و ظلت الحذاء يحرك قدميها وهي عاجزة عن التوقف

حتى أمسك بها بعض الحاضرين واستطاعوا خلع الحذاء

و غضبت السيدة العجوز لأن كارين قد خدعتها . . واستغلت ضعف بصرها

ولكن كارين و عدتها أنها لن تخالفها ثانيه ولن تنتعل هذا الحذاء ابداً

و مرت أيام و أعلن عن حفلة راقصه . . وكانت الفتيات في مثل عمرها يحضرن الحفله ولكن في نفس الليله كانت العجوز مريضه وتحتاج الى الرعايه

إلا أن كارين تمنت لو أنها ترقص بحذائها الأحمر ولو مرة واحده

و بالفعل أخرجت كارين الحذاء الأحمر الذي كانت قد أخفته و ذهبت إالى الحفل الراقص متناسية السيده العجوز التي كانت مريضة طريحة الفراش

وفي الحفل رقصت كارين بحذائها الأحمر . . ولم تتوقف عن الرقص

و لما ارادت أن تتوقف أبى أن يتوقف الحذاء

و بخطوات راقصه قادها الحذاء إالى الخارج وظلت ترقص . وترقص . و ترقص . . أو بالأحرى كان الحذاء الأحمر هو الذي يرقص

و بعد مرور فترة من الزمن وجد أحد الماره الحذاء الأحمر في مكان لا ماء فيه ولا إنسان .......................................

.............................................................................................................................................

طبعاً واضح الدرس المستفاد من القصه . . أن الانسان يجب ان لا ينساق وراء رغباته و أهوائه فهي قد تجره الى ما لا يحمد عقباه . . وأن لا يعض المرء اليد التي امتدت له بالخير . .

وان أخطأ الشخص من باب الغفله فانه يجب ان يتعلم من أخطائه وأن لا يكررها ......................

و إالى اللقاء يا أصدقاء

البــــــــــــــــــــــدلــه

2007-04-13T21:23:00.000+02:00

الفصل الأول : (Me, Myself And The Suit)

عمري ما هنسى اليوم . . او بمعنى أصح (الفتره) لأني مش فاكر اليوم بعينه

يوم ما فكرت أجيب بدله . .

إيه اللي خلاني افكر أجيب بدله دلوقتي ؟؟. . الله أعلم

و اشمعنى البدله دي بالذات ؟؟ . . و الله هي بدله كويسه . . بل انها رائعه

بس الواحد لما مبيكونش بيفكر في حاجه ممكن ما ياخدش باله . . رغم ان البدله ممكن تكون

موجوده هنا في نفس المحل من سنين . . . .

المهم أتت علي فتره من الزمن ربما أيام . . أو يمكن أسابيع . .أو لعلها شهور

وأنا لا أفكر سوى في البدله . . . .

الفصل الثاني : (Me, My Father And The Suit)

رحت لأبويا وقلتله . . أنا عايز بدله يابا . .

ضحك بابا و قاللي : بدله . . دلوقتي . .

و اتضايقت لضحك بابا

و قاللي : كبر دماغك

و سمعت أبويا اللي هو عايز يسمعه و قلتله : حاضر . . هكبر دماغي

و فضلت دماغي تكبر . . و تكبر . . و تكبر . . – أو هكذا اعتقد بابا –

الفصل الثالث : (Me, My Friends And The Suit)

رحت لشرذمه من أصدقائي . . و قلت لكل واحد على حده

و احد قاللي : شوف اذا كانت البدله لايقه عليك ولا لأ

و واحد قاللي زي ما ابويا قال

و كل واحد ادلى بدلوه .........................

وانا ما زلت محتار

الفصل الأخير :

قالولي البدله مش لايقه عليك

حزنت أنا في نفسي وخبيت

وقلت عادي . . زي ما كنت بشوف البدله من سنين ولا على بالي

دلوقتي هعمل زي زمان

و لكن برضه عندي سؤال ....

ممكن تليق البدله عليا بعد ايام أو سنين

ولا أبقى أشوفلي بدله غيرها بعدين

ولا أنا كده أحسن من غير بدل ولا يحزنون .. . . .

جاوبوني ...................................................

علاء

When I am Gone . . .

2007-04-13T08:51:00.000+02:00

Its True that I don't Like EMINEM . . . But these Words are Really touching

And when I'm gone, just carry on, don't mourn

Rejoice every time you hear the sound of my voice

Just know that I'm looking down on you smiling

And I didn't feel a thing, So baby don't feel no pain

Just smile back

فــضفـضـــه

2007-04-13T08:30:00.000+02:00

لا لن أسأل . . لن أشكو
أتمنى فقط أن أصرخ .. أن أبكي .. عَلَ ما بي يخرج مع صرخاتي او تغسله دموعي

أتمنى لو أن نزف دمي يريحني.. أن أنزف

,لكن وا أسفاه صرخاتي حبيسة داخلي .. و أبت مقلتي أن تدمعا

صمتي يؤلمني . . يقتلني . . يمزق مني كل ممزق

قد لا يبدوا وجهي وَجِماً أو يفضحني مني قول

لا يعني هذا أن دمي لايسري مني بالألم في كل ذرةِ مني

إني لا أشكو ألمي . . أخشى أنني اعتدته حتى انني لم أعد ألحظه

و للحديث بقيه .....

Flowers Tell better . . .

2007-04-12T18:20:00.000+02:00

In my first post . . . I couldn't find better than flowers as a topic

It has been said that flowers can talk

So let's see some of what Flowers can tell .................

Clover : white or red; "Be mine"

Forget-me-not : yellow-blue; "True love"

Honeysuckle : yellow; "Bonds of love"

Ivy : green; "Friendship , fidelity , marriage"

Jasmine : white; "Amiability* , transports of joy , sensuality"

* possessing sweetness of disposition

Fuchsia : scarlet; "Fast"

Lily : white; "Purity, sweetness"

Magnolia : waxy white; "Dignity , perseverance"

Marigold : yellow; "Jealousy"

Orchid : all colors; "Beauty, magnificence"

Poppy : white; "Sleep"

Tulip : red; "Declaration of love"

Tulip : yellow; "Hopeless love"

Rosemary : "Remembrance"

Violet : white; "Modesty"

Violet : yellow; "Rural happiness"

Violet : blue; "Faithfulness"

Daisy : white; "Innocence"

Now the Roses . . well in the fact , every Color has its own meaning

But it is said that all colors means “Love”

However there are some meanings for every Color

Yellow Rose : Decrease of love, jealousy

Deep Red Rose : Bashful shame

White Rose : I am worthy of you

Gardenia..unspoken love

And the Last one is the (Chrysanthemum) and it means . . . Truth