Friday, April 13, 2007


الفصل الأول : (Me, Myself And The Suit)

عمري ما هنسى اليوم . . او بمعنى أصح (الفتره) لأني مش فاكر اليوم بعينه

يوم ما فكرت أجيب بدله . .

إيه اللي خلاني افكر أجيب بدله دلوقتي ؟؟. . الله أعلم

و اشمعنى البدله دي بالذات ؟؟ . . و الله هي بدله كويسه . . بل انها رائعه

بس الواحد لما مبيكونش بيفكر في حاجه ممكن ما ياخدش باله . . رغم ان البدله ممكن تكون

موجوده هنا في نفس المحل من سنين . . . .

المهم أتت علي فتره من الزمن ربما أيام . . أو يمكن أسابيع . .أو لعلها شهور

وأنا لا أفكر سوى في البدله . . . .

الفصل الثاني : (Me, My Father And The Suit)

رحت لأبويا وقلتله . . أنا عايز بدله يابا . .

ضحك بابا و قاللي : بدله . . دلوقتي . .

و اتضايقت لضحك بابا

و قاللي : كبر دماغك

و سمعت أبويا اللي هو عايز يسمعه و قلتله : حاضر . . هكبر دماغي

و فضلت دماغي تكبر . . و تكبر . . و تكبر . . – أو هكذا اعتقد بابا –

الفصل الثالث : (Me, My Friends And The Suit)

رحت لشرذمه من أصدقائي . . و قلت لكل واحد على حده

و احد قاللي : شوف اذا كانت البدله لايقه عليك ولا لأ

و واحد قاللي زي ما ابويا قال

و كل واحد ادلى بدلوه .........................

وانا ما زلت محتار

الفصل الأخير :

قالولي البدله مش لايقه عليك

حزنت أنا في نفسي وخبيت

وقلت عادي . . زي ما كنت بشوف البدله من سنين ولا على بالي

دلوقتي هعمل زي زمان

و لكن برضه عندي سؤال ....

ممكن تليق البدله عليا بعد ايام أو سنين

ولا أبقى أشوفلي بدله غيرها بعدين

ولا أنا كده أحسن من غير بدل ولا يحزنون .. . . .

جاوبوني ...................................................

علاء

10 Comments:

  1. المجاهدة said...
    ممم
    شكل حضرتك بتتكلم على بدلة غير البدل الي بتتلبس
    :)

    ثق يا اخي... ان رزقك موجود... و هتاخده مهما طال الزمن او بعدت المسافة..
    و حتى لو دي الي مش مكتوبة لحضرتك... ثق حضرتك انه ساعتها تبقى مش هيا دي المناسبة لحضرتك...


    ثق في الله و توكل عليه حق توكله... و خذ بالاسباب ما استطعت.. و سيب الباقي عليه:)
    وَفِي السَّمَاءِ رِزْقُكُمْ وَمَا تُوعَدُونَ فَوَرَبِّ السَّمَاءِ وَالأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ
    DR_NIGHTWING said...
    شكراً جداً لرد حضرتك

    و مع حضرتك حق

    " و عسى أن تكرهوا شيئاً ويجعل الله فيه خيراً كثيراً "
    AmR said...
    إيه ياعم ده
    كل ده عشان شفت البدلة بتاعني !
    :P
    أميرة البلطجية said...
    انا برضه عندي احساس ان دي بدلة مش من اللي بيتلبسو يا علاء
    !!!
    اممممم
    والقرار ليك مش لأي حد تاني
    تحياتي
    DR_NIGHTWING said...
    القرار لي . . .الى حد ما

    عامة لقد اتخذت قراري

    و عموماً البدل كتير
    A&G said...
    مين الشرذمة دول يا علاء؟!
    ماشي يا عم ربنا يسامحك!!!
    عموما ربنا يعملك الخير ويعوضك بدلة تليق عليك!!
    بس شد حيلك في المذاكرة علشان تجبها من معاك لما تبقى دكتور كبير ذي كده(أنا يعني)!!
    رئيس مجلس ادارة مستشفيات A&G الدولية
    A
    Anonymous said...
    يا عم لوليك نصيب فيها هتشتريها في يوم من الايام مش مهم امته دلوقتي أو بعدين المهم تبقى واثق انها لو ليك هتأخدههما حصل من ظروف ومهما كبرت دماغك
    وتاني حاجه تكون واثق في زوقك وتعرف ان محدش هيعرف يختار حاجه تريحك غيرك
    وأهم من ده كله انا انت متكنش انخدعت بمظهر البدله ونسيت تشوف نوع القماشه هو المظهر شئ مهم بس الجوهر اهم
    والاجمل يبقى الاثنين مع بعض لو امكن............
    عاشق الخيال
    DR_NIGHTWING said...
    يا عم
    (A&G)

    دكتور كبير زيك مين . . انت هتصيع عليا

    على عمو

    دا احنا طابخينه سوا
    DR_NIGHTWING said...
    الى الاخ (عاشق الخيال) ... شكراً على رد حضرتك وشكرأً على رأيك
    Anonymous said...
    福~
    「朵
    語‧,最一件事,就。好,你西...............................................................................................................................-...相互
    來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Post a Comment