Thursday, May 24, 2007

أروع الأحاسيس



بلا داعي أو سبب واضح تذكرت نقاش دار بيني و بين أحد أصدقائي حول ( أروع شعور في الحياة )

و قررت اكتب كلمتين عن الموضوع . . .

قالوا اروع الأحاسيس وصل الحبيب . . وقالوا الحب . . وقالوا فرحة النصر . . وقالوا و قالوا . . و إليكم ما أقول أنا . . . .

إن أفضل الأحاسيس على الإطلاق هو (توقف الألم ) . . نعم توقف الألم

تخيل أن يخترق كتفك خنجر . . ثم تخيل معي زوال هذا الألم الرهيب . . ألن يكون هذا الإحساس الأروع

لقد كان هذا المثال مثالاً بعيداً عن الواقع . . ولكن دعوني اقرب المعنى الى واقعنا اليومي

أن الألم بالطبع ليس بالضروره ألم جسدي . .ولكنه يمكن أن يكون ألماً نفسياً

فشعور زوال الألم يجمع الكثير من الأحاسيس تحت مظلة واحده

فالفراق ألم . . واللقيا زوال للألم

و التعب والكد و العناء ألم . . و النجاح بعدها زوال للألم

و الحرب ألم . . و توقفها زوال للألام

و هذا كله على سبيل المثال لا الحصر

..........................................................................................................................................................................

عـــــــــــــــــــــــلاء

14 Comments:

  1. Rania said...
    أروع احساس هو الاحساس نفسه
    أروع احساس رؤية السعادة في عيون من حولك وتكون أنت صانعها
    أروع احساس هو الاحساس بمن هم منك والتفاعل معهم
    أروع احساس هو رضا والدي و والدتي علي
    أروع احساس هو احساسك بحب من حولك لك
    أروع احساس هو احساس النجاح
    أروع احساس هو احساس النصر

    أروع احساس في وجهة نظري هو كل ذلك بل أكثر من ذلك بكثير
    اروع الأحاسيس لا يمكن حصرها كما قلت
    WhiSpeR said...
    نظرا لأن الباشا أخويا شبه مش قادر يستوعب الكلمتين اللي كتبتيهم يا رانيا
    فأنا قررت أقومه وأرد أنا
    طبعا ما شاء الله كلامك جميل
    بس نيجي لموضوع الاحساس
    نقلب عربي بقى

    اختلف المفسرون على معنى الاحساس
    فبشكل عام
    من الصعب أن تفسر شيئا غير ملموس
    أو أن تجد له تعريفا ثابتا
    فليس بمقدور أحد .. كان من يكن
    أن يقرر ما هو أجمل احساس
    فلكل رأيه
    زوال الألم شعرو قوي
    وهو من أجمل ما يمكن أن تحس به
    لكن كما قلت
    هو ( من) أجمل ... لكنه ليس ( الأجمل) على الأقل في نظري ..
    قد نجتمع على أن الشعور بالقرب من الخالق سبحانه
    والشعور بالأمان لأن الله وحدنا يرعانا
    هو أجمل الأحاسيس على الإطلاق
    فلا أظن أننا سنختلف على ذلك
    لكننا هنا بصدد الحديث عن الأحاسيس الدنيوية
    الفرح والحزن والحب والنصر والنجاح
    كلها معان رائعة
    لكن ما تأكدت منه مؤخرا
    هو أنك ستشعر أن الاحساس الذي يراودك هو الأجمل على الاطلاق
    فقط في حالة واحدة
    إذا جاء في وقته
    سؤال بسيط وجهه لنفسك
    عندما يصلك خبر نجاحك بعد تعب وكد وسهر طويل ؟
    ألن تشعر أن هذا هو الشعور الأجمل على الاطلاق
    وأنها لايمكن أن يسعدك شئ في العالم الآن سوى هذا النجاح الذي جاء بعد اجتهاد
    هذا هو القانون
    أن يأتي الاحساس في وقته المناسب
    ( الحب )في وقته المناسب هو الأجمل
    لكن إذا جاء في غير وقته
    لن يكون سوى وبالا عليك
    وألما ينغذ عليك حياتك
    إذا
    نهاية ما أريد الوصول إليه هو أن المهم
    هو التوقيت

    :)
    DR_NIGHTWING said...
    شكراً يا رانيا على الرد . . هو انا مكنتش فاهم اوي بس الحمد لله . . تمت العمليه بنجاح . .


    ....................................

    اختي بتقول كلام كبييييييييييير

    ولكن يظل ذلك رأيها

    .....................................

    و نهاية ما أريد أن اقوله هو أن الالم يلخص كل معاناة او ضيم يلم بالإنسان و ان منتهى أمال الانسان لحظتها هو الخلاص . . الراحه
    ولكن يكون في خلدك ساعتها الا فكرة واحده

    "متى ينتهي هذا الوجع " . .ولذا فإن الخلاص او الراحه يلخص كل ما ذكرتموه و لكل أحساس رائع مما ذكرتموه نقيض سيء
    و انك لن تشعر حقاً بمقدار السعاده الناتجه عن هذا الاحساس - أياً كان - الا اذا تذوقت مرارة نقيضه
    WhiSpeR said...
    هو أنا أساس لسة ما خلصتش كلام
    بس يعني العقاقير مانعاني
    حيث أن من المفترض إني ما ألمسش الكمبيوتر أساسا
    دة أنا سايبة المنتدى عشان الزفت الامتحان
    ادعولي بدل ما انتوا قاعدين كدة
    همتحن وآجي أكمل كلام كبيييييير زي ما انت بتقول
    :)
    samho0on said...
    إيه الروقان ده

    أروع إحساس بالنسبة لي هو الإحساس بالرضا

    يعني إيه ، أقولك

    الإحساس برضا ربي علي
    الإحساس برضا الوالدين
    الإحساس برضاي عن نفسي

    هتقولي إزاي نفسي تحس بالرضا عن نفسي برضه اقولك

    أرضى عن نفسي لما اكون بأدي حق ربي علي
    أرضى عن نفسي لما اكون بأدي حق الوالدين علي
    أرضى عن نفسي لما أقف بجوار اصدقائي قبل ما أفكر نتيجة ده
    أرضى عن نفسي لما حياتي تمشي زي ما انا مخططلها تمام ، بمعنى الحياة بالنسبة لي تمشي بتخطيط فلما الخطة اللي حاططها لنفسي تمشي زي ما انا عايز ، مقدرش اوصف ببقى راضي اد إيه
    أرضى عن نفسي لما أكسب كل يوم على الأقل صديق جديد ، وأقرب اكتر من صديق قديم
    أرضى عن نفسي لما أنجح في الوصول لاهدافي
    أرضى عن نفسي لما أنتصر على من أساء لي
    أرضى عن نفسي لما احس أد إيه أصدقائي المقربين بيقدروني وفاهمني

    في النهاية مقدرش اقول غير نفس اللي رانيا قالته وهو إن أروع إحساس هو الإحساس نفسه
    بجد والله عفارم عليكي جبتي من الاخر

    بالنسبة للكلام اللي قالته ويسبر
    هختلف معاها
    لأن من وجهة نظري غن أي إحساس ملوش وقت محدد
    لأن الإحساس زي ما قالوا محله القلب
    وهنا يجي دور العقل اللي يقول إمتى أصرح بالإحساس ده
    العقل وحده هو اللي يقرر إمتى الوقت المناسب
    والمثال اللي قالته ( الحب ) هو أوضح مثال على كدة
    DR_NIGHTWING said...
    well . . let me tell you something sameh
    . . . if you are saying that you will be satisfied when your life goes on just as you planned for it to be

    then let me tell you something . . Life has mysterious ways in being Exactly the opposite of what you want

    and this will bring us to the same point we were in the beginning . . to the pain that will arise . . and then you will just wish for this pain to go away . . wouldn't that be the greatest feeling . . . .
    samho0on said...
    بص يا عم علاء
    انا قلت إني احس بالرضا لما الحاجات دي تبقى متوافرة

    بس ما قلتش إني حاسس بالرضا الكامل عن نفسي في اللي قلته وغيره كتير بس الذاكرة مأسعفتنيش

    وده لأن لا أحد كامل ، إحنا بشر

    بالنسبة لي إذا حسيت للحظة غن حياتي مش ماشية زي ما انا عايز او عكس اللي بتمناه مش بسيب لنفسي فرصة احس بالألم ، لأن كل لحظة ألم ما هي إلا لحظة ضائعة هندم عليها بكرة كتير

    يبقى احسن ما اضيع لحظة في الشعور بالألم ، الأنسب إني اصحح من نفسي ،
    اعيد ترتيب اولوياتي
    اعالج سبب المشكلة من اساسه

    وده بكتسب منه تجربة عشان ميتكررش الموقف ده تاني


    بصراحة صعب اوي أقتنع إن إحساس جميل إن الألم يزول ، لأن ده سبقه على الأقل لحظة ضاعت من عمري في الإحساس بشعور مش هيفيدني ، مش هيقدملي حاجة مفيدة ،

    ولا إنت شايف إيه
    WhiSpeR said...
    "بالنسبة للكلام اللي قالته ويسبر
    هختلف معاها
    لأن من وجهة نظري غن أي إحساس ملوش وقت محدد
    لأن الإحساس زي ما قالوا محله القلب
    وهنا يجي دور العقل اللي يقول إمتى أصرح بالإحساس ده
    العقل وحده هو اللي يقرر إمتى الوقت المناسب
    والمثال اللي قالته ( الحب ) هو أوضح مثال على كدة"


    وأنا أختلف مع حضرتك برضه في هذه النقطة
    لأنه إذا كان الواحد بيتحكم بعقله في أحاسيسه
    يبقى بقى
    ( ما كانش حد غلب ) كان ممكن ساعتها تمنع أي احساس مش عاجبك
    مثال :
    ما ينفعش تصحى من النوم الصبح
    تقول ( النهاردة أنا هأحب عشان هو دة الوقت المناسب )ولا ينفع تقول ( النهاردة هأكتئب لأنه حان الوقت للحزن على كل ما فات ) الاأحاسيس مشكلتها الكبرى أو أنها تأتي فجأة
    لا أحد يخطط لما سيشعر به في اليوم التالي
    أو حتى في الدقيقة التالية

    من الجائز أن تكون حضرتك من البداية لم تفهم قصدي
    أنا تكلمت عن التوقيت
    والذي هو أيضا صدفة
    أن يأتي الشعور المناسب في الوقت المناسب فهي صدفة غير مخطط لها
    يعني أن يأتي لك مثلا شعور بتأنيب الضمير
    في وقت أنت تحتاج فيه إلى صحوة ووقفة مع نفسك في مشكلة ما أو في موقف ما
    فهذا هو المطلوب
    أو كما ذكرت
    أن يأتيك الحب في توقيته المناسب و ما أقصده هنا
    هو أن يكون الشاب كما يقولون جاهز لخوض مرحلة جديدة من حياته مع هذه الانسانة التي أحبها
    أما لو أتاها نفس الشعور
    ولكن وهو في وضع لا يسمح له بالارتباط بحياة جديدة
    فبالتأكيد سينعص عليه حياته لا محالة
    هذا هو مقصدي من كلمة التوقيت
    وأكرر
    العقل لا يتحكم في الشعور نفسه
    وإنما يتحكم فيما ينتج عن هذا الشعور
    فالقلوب بيد الله يقلبها كيف يشاء
    فتحكمك يكون في أفعالك التي سيولدها شعورك
    يعني عندما يباغتك شعور بالحزن
    أنت لن تتحكم بهذا الشعور
    لكن سيكون لك الخيار فيما ستفعله بسبب هذا الشعور
    البكاء مثلا والانعزال عن الحياة وترك الناس
    أو أن تبحث عما يخفف عنك هذا الشعور
    أو أن تلجأ إلى ربك ليخفف عنك حزنك
    إذا ستتحكم في التصرف لا الاحساس
    هنا تتوقف وظيفة العقل
    تبدأ وتنتهي بأعراض الاحساس وليس الاحساس نفسه
    لأنه العقل لا يتدخل في وظائف القلب

    دة رأيي ولا يعبر سوى عن رؤيتي وتفكيري
    وجزاكم الله خيرا

    :)
    WhiSpeR said...
    بصراحة صعب اوي أقتنع إن إحساس جميل إن الألم يزول ، لأن ده سبقه على الأقل لحظة ضاعت من عمري في الإحساس بشعور مش هيفيدني ، مش هيقدملي حاجة مفيدة ،

    ولا إنت شايف إيه



    يعني حضرتك عايز تقنعني
    إنك مش بتحس بالألم ؟؟؟

    مستحييييل
    فدي مفيش عليها اختلاف
    لأن الدنيا ليست وردية وخالية من الآلام

    طب نظرا بقى لأن الآلام موجودة ومتوفرة بكثرة

    حضرتك عايز تقنعني إنك مش بتفرح لما بيزول عنك ألم ما

    موت القريب ألم
    فراق الأحبة ألم
    وكل المصائب بكل أنواعها تسبب الاحساس بالألم
    كونك تشعر بالألم فهذا إن دل على شئ يدل على أنك انسان وتتألم لأن مشاعرك تتأثر
    أما أن تمنع عن نفسك الشعور بالألم لكي تثبت أنك قوي في وجه الحياة
    فهذا ظلم لنفسك التي من حقها أن تذوق كل أنواع الاحاسيس إلا المحرم منها
    الفرحة والحزن ... الألم والراحة
    كل احساس مشرع من الأكيد أنك مررت به أو ستمر
    طبعا مع الاتفاق ألا تستسلم لألمك أو لاحساسك
    ولكن يجب أن تستشعره
    وعندما يزول احساس سئ كالحزن والألم
    من المفترض أن تفرح أنك تخلصت من احساس كان ينغص عليك حياتك ويعكر صفوها

    :)
    samho0on said...
    أولا
    أنا كان كلامي منتهى الوضوح ، انا قلت إن القلب هو اللي يبدأ أي شعور وفي اللحظة دي العقل ملوش اي دور في بدء الشعور ، بعد كدة يجي دور العقل إنه
    يتحكم في هذا الشعور ويوجهه الوجهة الصحيحة وإلا حدث ما لا يحمد عقباه
    مثلا لو حد صاحبي عمل معايا موقف زي الزفت وما اكثر هذه المواقف ،طبيعي جدا إن اقل شعور هو الشعور بالغيظ ساعتها نسأل بعض سؤال مهم وهو إيه اللي بدا الشعور ده طبيعي إنه القلب ، طب إيه النتيجة المتوقعة لو العقل متدخلش وحجم تطبيق الشعور ده لأفعال أقل وصف ليها إنها منتهى الإندفاع والطيش
    أقول انا : النتيجة مأساة مش علي لأ ده على المسكين اللي سبب لنفسه كدة

    أنا مقلتش إن العقل هو اللي يبدا الشعور أو يخطط لبدئه ، بل يخطط عشان يضع هذا الشعور محل التنفيذ ابما لا يسبب اضرار لا يمكن تداركها

    وعلى فكرة لما قلتي غن العقل لا يتحكم في لشعور بل فيما ينتج عنه فده نفس معنى اللي كنت بقوله

    ثانيا
    مين قال إني لا احس بالألم ، بالعكس أنا إحساسي بالألم فظيع جدا ، فالحل إني لا اسمح للألم إنه يعيقني ، بل اعتبره درس قوي ونقطة إنطلاق للأمام وزخم كبير يدفعني قدام اكتر
    انا لما اتحكم في الشعور بالألم لموقف ما فده عشان ميتكررش وده مش مقصود بيه الموت او المصائب ، لأن ديه مواقف ليس لبشر دخل في حصولها
    وإن كان لا يمنع إن الألم يبقى ليه حدود ،لأني لو قضيتها ألم في الم مش هتحرك من مكاني
    يعني هفضل محلك سر
    A&G said...
    كيف حالك يا صديقي
    من هنا ومن امام شاشة الكمبيوتر
    ازف اليك خبر معرفتي باروع احساس وهو انتهاء مادة الرمد بخير يوم السب القادم ان شاء الله

    (خلينا نتكلم جد شوية)

    صدقني يا صديقي.. صدمتني هذه الصفحة.. وصدمتني كل كلمة فيها .. فكيف للكلمات ان تجتمع لتكون تلك المقالات الرائعة التي جعلتني عاجز عن التعبير فيها عن راي.. وجعلتني اقف احتراما لكل سطر وكل كلمة رسمت في هذه الصفحة..

    لن اضيف على من تغنوا بهذه الكلمات ليخرجوا لنا هذا الابوريت الرائع..

    ولكن لاخبرك عن راي الذي لا يختلف عما قيل لانهم لم يتركوا لي مجال لان اختلف..راي ان اجمل احساس هو ان (تحس) حتى ولو كان هذا الاحساس هو الالم او حتى الفشل .. بالتاكيد ليس الالم هو اجمل احساس.. بل الاجمل هو ان (تشعر) ان هناك ما يؤلمك لانك الان والان فقط سوف تفهم وتشعر وتستمتع بزوال الالم.

    ولذلك اراد الله لنا ان نشعر بحر الدنيا وتعبها واراد منا البعد حتى عن الشهوات وحتى قبل دخول الجنه كل واحد فينا سيمر على النار كما قال تعالى (وان منك الا واردها)
    لكي نشعر ونفهم معنى الجنة.
    والشاهد هنا ليس هذا.. بل اناس يعيشون في الدنيا لا يتمتعون بما يتمتع به الناس .. زهدوا فيها ولم يحيطوا بها.. بل وقد يكونوا مقيدين فيها- ولاشك ان هذا هو ابشع احساس- ولكن مستمتعين وراضين ..(يقول إبراهيم بن أدهم لو علم الملوكُ وأبناءُ الملوكِ ما نحن فيه لَجَالَدُونَا عليه بالسُّيُوفِ.)-اي تريد الملوك لتاخذ منهم السعاده واحساس الرضى الذي يعيشوه-

    ومن هنا ياتي السؤال اي الاحساسين اجمل ..ان تملك ملك ملك ام ان تكون في زهد عابد؟



    ولذلك.. كما ان من المهم ان نعرف ما هو اجمل احساس لنحصل عليه.. يجب قبلها ان نتعلم كيف (نحس).. وان العلاج الوحيد المعتمد لدى السعداء للاحاسيس السيئة من وجهة نظرنا ليس قتل الاحاسيس.. بل ان تكون هذه الاحاسيس قوة دافعة للبحث عما نريد والوصول لما يريده منا هذا الاحساس..
    فليس من المهم ان نسكن الالم انما المهم ان نزيل سببه..


    حبه هزار باه


    من اما شاشة الكمبيوتر
    a&g
    القصر العيني
    مصر
    DR_NIGHTWING said...
    هو كده انت مش لاقي حاجه تقولها . . امال لو كنت لاقي حاجه تقولها

    يابني انت مبدع . . بجد مبدع

    شكراً على رأيك البناء دائماً
    samho0on said...
    اهو كدة حد معايا اخيرا

    انا فعلا اؤيد إن الإحساس إيجابي او سلبي يبقى قوة دافعة للأمام
    مش عائق يأخر ولا يقدم

    ربنا يكومك يا جامد
    Anonymous said...
    福~
    「朵
    語‧,最一件事,就。好,你西...............................................................................................................................-...相互
    來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Post a Comment