Monday, October 06, 2008

اسود على رمادي


دي كنت كتبتها في شكل رد على القصيده اللي كتبتها المبدعه ميرام في مدونتها اسكت يا ابني

و كان ودي

أقول الدنيا دي بمبي

و أقول الضحكه جياني

و أحبابي أهم جمبي

و أقولك دربنا منور

و أغني الفرحه من قلبي


لكن مش دية الحاله

أملنا أصله مش بادي

و صار الحزن مذهبنا

و موت الحلم ده عادي

نهار غايم كده معتم

وليل اسود على رمادي


أنا كان نفسي اكتبلك

عن العمر اللي جاي قدام

لكن احلامنا مش باينه

ودنيانا غمام في غمام

عــــــــــــلاء

17 Comments:

  1. Anonymous said...
    والله هى حلوة من ناحية ترتيب الألفاظ
    وسياقها جميل
    بس كئيبة أوى ليه كدة تموت الأحلام الدنيا مش مستاهلة
    وبعدين تعيش إزاى إنت من غير حلم ؟؟
    فك كدة
    وإن شاء الله عقدة الكآبة دى تتحل
    hager za3bal said...
    الله يا علاء
    روعه
    بجد انت انسان جميل موهوب
    :)
    تقبل مروري
    ميرام said...
    السلام عليكم ورحمة الله وبركاته
    أولا بعتذر بشدة على تأخيري ..

    المهم ..

    مش عايزة أقعد أقولك بجد تحفة وجميل
    من أول العنوااان ..
    اللي شدني جداا وبجد اختيار ممتاز ..
    مرورا بالوزن والكلمات والتراكيب و.... كل حاجه ..
    وتقول المبدعة ميرام ..!!
    عفواااااااااا
    أنا همنع حضرتك من دخول مدونتي (:
    طالما هتغلبني كده (:


    بغض النظر عن تسلسل الكآبة .. اللي امتدت مني اليك ..
    ربنا يستر ويكون شعر بس
    (:
    بجد هايل

    تقبل مروري ..
    وخالص تقديري .. و
    تحيـــــــــــــــاتي
    romansy said...
    اهلا بيك يا علاء
    ايه الجمال دا
    انت موهوب بجد
    ســـــــهــــــــــر said...
    و لسه ف الطريق احنا
    و لسه ف السكوت بوحنا
    بيبدر شوكه لجروحنا
    فيطرحنا
    على طرف الطريق
    حاله
    و رحاله
    و زادنا دموعنا متشاله
    ليوم نعطش نكون روحنا
    فنلقى صمتنا قواله
    ***********************

    تحياتى و اعجابى
    علاء عارفين said...
    Anonymous

    اعيش من غير حلم ازاي ؟؟

    م الحلم بيموت جوايا كل يوم مرات بايدين الناس مرات عشان الظروف مرات بايدي انا وكل مره يموت يوجعني لدرجه اني بدات اتوجع من ساعه م الحلم يتولد
    علاء عارفين said...
    hagar

    ميرسييييي اوي يا هاجر
    علاء عارفين said...
    مــيرام

    اسف لـاخيري في الرد

    و الله موهبتي دي بعض ما عندكم بجد تعبيراتك دايما بتشدني

    انا عن الكآبه فدي بتروح و تيجي . . يارب تروح قريب عشان بقالها كتير معايا
    علاء عارفين said...
    romansy

    اهلاً بيك يا باشا

    وميرسي على الكلام الجامد ده
    علاء عارفين said...
    ســـــــهــــــــــر

    هاخد وقت طويل على فكره عشان اطلع من الجو اللي كلامك حطني فيه

    بجد تحفه تحفه
    بسنت said...
    هى فعلا قالبه على اسود اكتر من رمادى
    والالوان التانيه بتظهر على خفيف
    كلماتك جميله بس خلتنى حزينه اكتر ما الواحد حزين لوحده
    عايزين كلام تفاؤل والوان فاتحه شويه
    ودمت بخير
    اسلام منسي said...
    علااااااء
    عاوز اشوفك
    ضروووري
    عاوز ابوسك على الخدين
    ولو بوسة واحدة متكفيشي
    راح ابوسك برمش العين
    ولو رمشي ميكفيشي
    راح اقولك ياننى العين
    .....
    يا جمال كتاباتك يا علااااااااااء
    نفسي اشوفك فعلا
    علاء عارفين said...
    بسنت

    انا متأسف اني نكدت عليكي

    وان شاء الله الواحد يحاول يكتب حاجات فاتحه . .بس والله هي حاله ويارب تعدي
    علاء عارفين said...
    islam

    و الله وانا نفسي اشوفك اكتر يا اسلام

    انا ببقى موجود يوم الخميس بس اليومين دول كمان الدنيا عندي امتحانات ادعيلي بس ربنا يعديني منها على خير
    Lola said...
    احببتها كثيرا تلك الكلمات يا علاء.. رائعه رغم الوانها الداكنه جدا.. يكفى انها مكتوبه بخليط ملئ بالمشاعر.


    لولا
    Lola said...
    احببتها كثيرا تلك الكلمات يا علاء.. رائعه رغم الوانها الداكنه جدا.. يكفى انها مكتوبه بخليط ملئ بالمشاعر.


    لولا
    Anonymous said...
    福~
    「朵
    語‧,最一件事,就。好,你西...............................................................................................................................-...相互
    來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Post a Comment