Wednesday, August 22, 2007


"اذا أردت شيئا بشدة فأطلق سراحه فإن عاد اليك فهو ملكك الى الأبد وان لم يعد فهو لم يكن لك من البداية"

مقوله . . لا أدري- حسب معرفتي الضئيله- اين مصدرها أو من قائلها ولكني اسمعها كثيراً

ترى هل هذا حقيقي . .

دعني افسرها كيف اراها

انت تريد الشيء بدرجة كبيره . . و بما ان العباره تقول (اطلق سراحه ) فان دل ذلك على شيء فانه يدل على انك امسكت الشيء الذي تريد . . فأنت لا تطلق سراح ما ليس بين يديك

و لكن اذا عاد لك . . لماذا قد يعود لك ما قد تخليت عنه . .

انا ارى هذه المقوله من وجهة نظر أخرى

أذا اردت شيئاً فأطلقت سراحه

فانه قد يعود لك . . فإن عاد فانه قدر لك او لحسن حظك

و إن لم يعد فإنك ستبكي هذا الشيء الذي اردته دوماً و ستنعى حظك المرير . . و لربما تلوم نفسك أن قد تخليت عنه

ربما المقوله منذ البدايه صحيحه و لربما ان بعض الاشياء اذا حظيت بها فلا يجدر بك التفريط فيها لأانها قد لا تعود ابداً

ووقتها لن تكون تلك الاشياء (ليست ملكك منذ البدايه ) وانما انت بتركها جعلتها ليست بملك لك

هذا رأيي المتواضع ليس إلا . . .



..........................................................................................................................................................................

19 Comments:

  1. FloNa said...
    المقولة دي اتقالتلي قبل كدة

    مممم هوه تقريبا بتطبق على البشر
    وكلمة اطلق سراحه مش معناه تتخلى عنه بس معناها خف عليه شوية

    انا مثلا كنت بحب صاحبتي جدا وبكلمها كتير وكدة

    مرة حسيتها مش بتحبني اد مانا بحبها
    كانت نصيحة اختي ليا اطلقي سراحها
    ما كلمتهاش يوم يومين تلاتة

    لقيتها بترجع تتكلم

    يني رجعت ليا

    طيب في الموقف ده لو مرجعتش ليا يبقى ايه


    يبقى فعلا متلزمنيش !!

    لانها هيه مستغنية عني

    يبقى بتهيالي المقولة صحيحة وبتطبق اكتر حاجة بين الاصدقاء والاكتر والاكتر بين الاحبة لو كنت بتحب واحدة ومش عارفة هيه بتحبك ولا لا لما تطلق سراحها لو رجعت يبقى هيه باقية عليك لو مرجعتش يبقى ليه تربط نفسك بواحدة انت لا تمثل لها هذا الشيء !!


    بس كدة :)
    samho0on said...
    أظن إن ده أسلوب أسامة منير في الكلام
    في برنامج أنا والنجوم وهواك

    غير كدة أنا معنديش بصراحة تعليق على الكلام ده

    لأنه يحتمل التأويل وتعدد وجهات النظر

    إزاي

    لو أطلقت سراحه
    ممكن يبقى معناه إنك تخليت عنه
    إزا كان ملكك في البداية
    ومقدرش اوصفلك يا باشا قدر الندم على هذه الحماقة

    وممكن يبقى الشيء ده معول لهدم كل أمالك وطموحاتك وده إزا اطلقت سراح هذا الشيء ولم يكن لك من البداية
    ، على الأقل كان أمل ممكن يكون زائف أو حلم ممكن يبقى وهم بس المهم إنه بقى في وقت من الأوقات محور تدور حوله كل أمالك وأحلامك وطموحاتك


    أظن كدة واضح ليه الكلام ده يحتمل التأويل
    وليه الموقف في حد ذاته محير لجميع الأطراف
    rania said...
    أولا أحب أعرفك مصدر الجملة اللي أنا مقتنعة بيها جدا
    المصدر هو أحمد حلمي في فيلم ظرف طارق
    والله أعلم هو شخصيا جايبها منين

    المهم أنا شايفة انها صح جدا
    وأطلق سراحه مش مقصود بيها انه ملكك
    ده ممكن يكوم مجرد اطلاق سراحه ولو حتى من تفكيرك
    مش معناها انك تخليت عنه انما انت ممكن تكون بتديله فرصة يراجع نفسه ويرتب اوراق حياته
    لو رجع يبقى يستاهلك وتستاهله
    لو مرجغش يبقى ميستاهلش حتى البكاء عليه

    وهذا كان رأيي المتواضع جدا
    samho0on said...
    أولا أحب أأكد على إني لسة على موقفي إنه فعلا موقف يحتمل التأويل وتعدد وجهات النظر

    ولسة مكونتش وجهة نظر واضحة تحتمل التقاش لغاية دلوقتي

    والكلام اللي قلته قبل كدة كان توضيح مني ليه الكلام ده يحتمل كذا تفسير حسب طبيعة الموقف وحسب طريقة تفكير الأطراف

    بس اللي أنا مقتنع بيه حاليا
    إني ضد مبدأ التملك أصلا
    لسبب واحد
    وهو إنه مبني على فراغ

    طالما مبني على فراغ فهو وهم

    ممكن لما يبقى فيه واقع أو حاجة ملموسة ، يبقى فيه حاجة شبه التملك ، بس برضه مش تملك بمعنى الكلمة

    معلش يا جماعة بس أنا ضد مصطلحات التكتيف ديه
    بحس إنها فيها تقويض لحرية البني آدم

    ثانيا يا رانيا
    أنا معرفش مين اللي قالها
    بس كل الحكاية إنها بتفكرني بأسلوب أسامة منير مش أكتر
    catroz said...
    على فكره
    معناها صح اوووووى

    اوى اوى يعنى
    و فى حاجات كتيره
    مش بس المرتبطين او اللى بيحبوا بعض
    mafroos said...
    يا دكتور أنا كنت فاكر ان أسلوبك وتفكيرك هايبقى أعلى من كدة يا doc. ابعدوا عن عالم الرومانسية البغيض وصدقنى اخرة الأحلام غم وغثاء وجايز قئ!!!!!
    WhiSpeR said...
    كل اللي أقدر أقولهولك
    عن تجربة
    المقولة صحيحة
    زي ما انت حاطط في الصورة
    لو عندك صديق نفترض إنه قطة مثلا أو عصفور
    هو عارف مكانك كويس أوي أوي
    أطلق سراحه
    لو رجع ؟
    يبقى هو بيحبك
    لو مارجعش يبقى هو من الأول ما كانش ليك وانت كنت حابسه استبداد
    فعن تجربة
    أنا جربتها مرة واتنين وتلاتة
    ومع أكتر من حد

    بس بفكرك بحاجة
    مش أي حاجة بتطلق سراحها بترجع
    ومش شرط عشان ما رجعش
    يبقى مش بيحبك
    ممكن تكون ارتكبت غلطة عمرك انك سيبته
    لأنه ساعتها ممكن يقولك عزة نفسي وأنا مش لعبة عشان تسيبني وترجعني
    وممكن كمان يبقى هيموت انه يرجع وعزة نفسه تمنعه
    وساعتها عمرك ما هتقدر تقول إنه غلطان
    لأن دة حقه
    مش انت اللي سيبته ؟
    يبقى استحمل نتيجة دة
    هنا بقى المخ يشتغل
    مش أي حد نسيبه كدة وخلاص
    في ناس مفيش معاها حاجة اسمها أسيبه وهو يرجعلي
    ومن الناس دي مثلا اخواتك
    ما ينفعش مثلا تيجي تقول لأخوك ولا أختك باي باي شوية
    وحد تاني
    صديق عمرك
    طالما اخترته صديق عمرك
    يبقى مجرد تشكيكك في حبه ليك أصلا
    يبقى اجرام منك وظلم ليه
    أو سوء اختيار منك من البداية
    وهنا برضه ييجي العقل
    صديق عمرك مش عصفورة تطيرها ترجع تاني
    لأنه ممكن يطير وما يرجعش
    وتندم انت بقى حين لا ينفع الندم
    LOJAIN said...
    مقولة خانتها شوية الفاظها
    يعنى ممكن تستبدل اطلق سراحه باعطيه على قدره من الاهتمام , الا اذا كان المقصود اطلق سراحه من ذهنك
    وحتى دى مينفعش حاجة ابقى عاوزها اطلعها من دماغى الا اذا كانت غلط فى ذاتها فوجب تركها بالذهن و بالفعل

    فاذا جت يبقى كانت نصيبك و قدرك من البداية
    ولو مجتش مش نهاية الدنيا لانه فى غيرها
    دى حاجة بتاعة حد تانى و اتاخدت منك بس تطبيقا ل:
    مــــا أخــذ منـــك الا لــيعطيك

    ربنا يعطينا و يعطيك :)

    انا عملت التاج وميرسى

    Regards:
    Lojain :)
    sa'7so'7te said...
    ana 2awwel marra 2asma3 elmakola de
    bs ana bardo shayfa en ra2y flona we elle shabah ra2yaha sa7 f balash 2a3ed elkalam...
    bs ana ba7eb elposts elle tegeb 7aga 3omraha ma gat f dema'3e we tena2eshha
    ta7eyyate
    DR_NIGHTWING said...
    "flona "

    يمكن انتي فاكره انك لما اطلقتي سراحها و رجعت انها كده فعلاً من حقك . . بس يمكن ده مؤقت و يمكن رجعت المره دي يبقى الحمد لله و تحتفظي بالحاجه دي

    لان يمكن لو كررتيها مترجعش فعلاً و ساعتها مش هتبقى الحاجه دي مش من حقك لكن انتي اللي خليتيها مش من حقك


    ...............................

    samhoon
    انت قلت الرأيين في كومنت واحد لذا انا مش عارف هرد اقول ايه . . بس شكرأً على الرد

    ...................................
    rania

    رايك و يحترم طبعاً

    ..............................
    DR_NIGHTWING said...
    catroz

    يجوز فعلاً و على على فكره يمكن المعنى وصل مني بطريقه انكوا فاهمينها على ناس مرتبطين او كده بس فعلاً الموضوع زي ما حضلاتك قلتي مش محدود بحاله معينه


    .......................................
    mafroos

    شكراً على زوق حضرتك و بالمناسبه
    انت عارف يعني ايه رومانسيه أصلاً
    و حكمت عليها بإنها بغيضه
    و بعدين على فكره انا م جبتش سيره اي حاجه تخليك تفسرها على النحو اللي انت فسرتها عليه
    في ناس فهمتها عن الصداقه و في ناس فهمتها حاجه تانيه
    و الله حضرتك اعتبرتها كده يا استاذ (مفرووس ) فده مش مني . . انت تفكيرك كده

    ما علينا

    رايك و يحترم
    DR_NIGHTWING said...
    .................................
    whisper
    انا موافقك تماماً
    ..............................
    lojain
    و الله انا كنت بفكر في كده برضه . . ميرسي على الاراء الجامده دي

    ..................................
    sa'7so'7te

    انا رديت على فلونا و كذلك فعلت whisper

    و شكراً جداً على مرورك الكريم
    samho0on said...
    أنا قلت الرأيين عشان العبارة نفسها محيرة
    بمعنى أنا ممكن أطلق سراحه ويفتكر إني إتخليت عنه
    إيه يضمن إن ده ميبقاش الإنطباع اللي ممكن يتكون لما أعمل كدة

    أو تحافظ عليه ن وإنت مش واخد بالك إنك خانقه بإيديك

    الخلاصة : الموقف بيخليك بين نارين
    بين أمرين لكل منهما عواقب وخيمة
    زي ما ممكن يكون ليهم فوايد عظيمة

    وصلت وللا لسة
    ابو مفراح said...
    اذا اردت شىء فاطلق سراحه
    حكمه جميله جدا اراها معنويه جدا
    cleopatra said...
    فعــلا يا دكتور .. كلامك مظبوط .. ده نفس رأيي في القملو ديه .. اللي بتستفزني الحقيقه الي اقصي درجة ... للاسباب اللي انت ذكرتاها


    انا الشئ اللي هحبة .. مش هطلق سراحة .. او مش هسيبة بمعني اصح .. ولو كنا بنتكلم عن شخص .. فمش هسيبة غير لما يبقي عايز يبعد
    mafroos said...
    والله يا دوك انت فهمتنى غلط لو كنت فهمت انى أسخر من كتاباتك ولكن الرومانسية التى تسألنى عنها اذا كنت أفهمها أم لا فأنا أخبرك أنها سبب مأساتى التى أعيشها الان فقد عشت فى هذه الرومانسية سبع سنوات ثم تزوجت ومن يوم تزوجت تحولت كل هذه السنين الى شئ اتمنى أنه لم يوجد من كثرة المشاكل وصدقنى مهما كانت من تحبها أو تنسجم لملائكيتها فبعد الزواج تجدها شخصية مختلفة بنسب الثانوية العامة أعتذر لك صدقنى ان كنت أسئت اليك وأدعوك لزيارة مدونتى !
    Shady said...
    اقولكوا رأيي ف المقولة دي....او بمعني تاني اوضحلكوا انا فاهمها ازاي
    انا شايف ان اطلق سراحه دي مش معناه انه كان ملكك وانت بتتخلي عنه لا انا شايف حاجه تانية خالص
    لو انت بتحب حد وبتحبه اوي وجه يوم وحصل موقف معين والموقف ده خلي في توتر ف العلاقة بينكم والطرف الاخر شايف ان انت غلطان ... بس ف الواقع انت مش غلطان ... انا حصل معايا موقف زي ده ةحبيت اطبق الكلام ده كل اللي عملته طلبت مره من الطرف التاني وقولتله عايز اتكلم معاك وجه وقعد معايا كان كلامي ان انا اللي حصل بالظبط كذه وكذه وكذه وانا مكنتش غلطان ولو حصل حاجة مني كانت فعلا غلط اكيد انت عارف ان انا من جوايا مكنتش اقصد اني ادايقك يعني الغلط مبيبقاش غلط غير لو انت عارف انه غلط وانا مدايق جدا ان انت زعلان مني ونفسي اكون جنبك واخليك تتخلص من اللي انت حاسس بيه بس انا عارف ان انا السبب ف ان انت مدايق وبجد مش عارف اعمل ايه انا حاابب اني اكون جنبك وف نفس الوقت مش حابب اكون سبب انك مدايق اانا هقوم دلوقت واسيبك تفكر برحتك ومش هحاول اتصل بيك او اشوفك مش علشان مش عايز لا علشان تاخد مساحتك من التفكير (كده انا اطلقت سراحه) يعني فهمته كل حاجة وفهمته ان انا مش سايبه علشان ده احساسي لا ده علشانه هو بعدين بقي لو الشخص ده كان بيحبني وبيقدرني وبيثق ف كلامي وانا فعلا غالي عنده هيصدق كلامي ويسامجني لو كنت غلطت فعلا ويديني العذر ف اللي مكنتش اعرفه ويرجعلي تاني (فان عاد اليك فهو ملك لك) ولو ده محصلش يبقي المفروض ان انا اللي ابعد عن الشخص ده علشان هو مش عارف يقدرني ولا يثق فيا ولا بيحبني فعلا( لم يكن لك علي الاطلاق ) الحمد لله صحبي ده رجعلي فعلا (ووالله كان واحد صحبي بجد مش بنت :d) علي فكره الجملة دي فيها معاني كتيرة وجميلة اوي وانا عن نفسي بصدقها بس من وجهة النظر اللي قلتها دلوقت ..... وده مش اكتر من مجرد رأيي:)
    Anonymous said...
    福~
    「朵
    語‧,最一件事,就。好,你西...............................................................................................................................-...相互
    來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘
    Anonymous said...
    هذه المقولة مترجمة من الللغة الإنجليزية
    If you love somebody, let them go, for if they return, they were always yours. And if they don't, they never were.
    ولكن المصدر مجهول

Post a Comment